onsdag 12. mai 2010

Hagelagstur til Ole Jonny Larsen i Ålesund

Ein vintergøn vekst ifrå New Zealand - Aciphylla alpina - den hadde lange nåleliknande blad som var nokså kvasse i enden.



Søndag den 9. mai var eg ilag med Vågsøy Hagelag til Ålesund på hagevandring i hagen til Ole Jonny Larsen. Han er godt kjent blandt hagefolk som samlar av Rhododendron og barvekstar og har ei imponerande samling av Rhododendronartar frå dei som bokstavelig talt er krypane til dei som strekker seg fleire meter til veirs.På grunn av den kalde våren var det lite som var i blomst i hagen akkurat no - normalt var det mangt som skulle stå i full blomst på denne tida, men naturen styrer den slags der som over alt ellers.Ein engasjert og kunnskapsrik vert tok i mot oss i det kalde vårveiret og tok oss med på rundtur i hagen som var på 2 da (eller var det 2,5 da ?), inkludert lånt areal m.a frå kommunen som han har fått disponere.



Rhododendron pachysanthum var imponerande flott med sitt filtgrå belegg på blada. Ellers hadde han feire sortar med gulbrunt filt belegg på baksida av blada.
Variasjonen av artar var stor frå minimini til artar med kjempestore blad.

Ole Jonny Larsen ynskjer alle velkommen til samlarhagen sin. På veggen til høgre (utanfor bildet) hadde han eit imponerande espaliertre truleg epletre som eg gløymde å ta bilde av dessverre - det var flott!!!
Han sår og stikk plantar sjølv og produserar ein masse plantar frå importerte frø - noko kjøpt og noko i bytte med andre samlarar. Sjølvsagt bytter han plantar og frå andre Rhododendronsamlarar rundt i verda.
Arboretet i Bergen er ein av mottakarane hans, og han kunne fortelle at dei har alltid fyrstevalget når han legg ut plantelistene sine av dei plantane han har overskot av.


Her har han eit bed med diverse bartre, mange av dei frå New Zealand. Filosofien hans er den at han plantar tett og så skal plantane få stå der til dei vert for store, deretter flyttar han ut eller skjær vekk dei som "har gjort si teneste".


Viburnum x bodnatense blomstrar på bar kvist og strakte seg fleire meter oppetter husveggen

Denne Rhododendronen blomstra høgt der oppe... R. oredoxas var . fargesii var ein av dei få som blomstra då vi var der.

Rhododendron platypodum - vakre blad, ein treng nesten ikkje blomstre når ein ser slik ut .......

Over alt var det store eller mindre plantefelt, med mange spennande plantar i - eg trur vi kunne ha gått rundt i den hagen ein heil dag og heile tide funne noko spennande nytt.

Han fortalde at plantesamlinga hans starta med stauder for over 20 år sidan og har vore gjennom mange fasar - no er dei fleste staudene vekk til fordel for bartre og Rhododendron, men fortsatt fant vi nokre stauder som han hadde:

Celmisia spectabilis - ei staude frå New Zealand . Den held seg som fin rosett heile vinteren igjennom - dekorativ og flott.


Kvit nyserot - Veratrum album - ei kraftig staude som veks vill i Finnmark.



Lysiciton americanus - ein sumpplante han hadde ståande i kanten av dammen sin. Utruleg flott i blomst og etter blomstring overtek store blad utover sommaren.
Ein skikkelig sikleplante og eg er så heldig at eit par dagar før hagevandringa i ålesund hadde eg fått avtale om frøplantar av nettopp slike plantar frå einannan kant av landet. Det vert stas.

Etter omvisninga kunne vi få kjøpe av hans eigenproduserte plantar, men då løyste det seg ei kraftig byge med tjukt sludd så eg trur dei fleste fekk frosten i seg i griseveiret. Dei fleste let no likevel veir være veir og sikra seg nokre godbitar frå salgsborda han hadde sett opp.

Sjølv kjøpte eg ein Sorbus reducta - ein liten rogn som bare vert ca 1/2 m høg med rosa bær.
Ein Rhododendron mekongensis og ein R. pereclymenoides begge bladfellande og lave artar.

Etter besøket hos Larsen i Spjelkavik var vi innom Viddal Gartneri der eg m.a kjøpte meg ein reint kvit aurikkel som eg ikkje hadde frå før + nokre andre.
Så gjekk turen til Plantasjen - der var veiret så SURT at eg ikkje orka å gå å sjå på utearealet deira, men eg fant no litt likevel, m.a. Bycobact-gjødsel eg skal ha til blåveisbabyane mine!!!

Takk til Vågsøy Hagelag som inviterte med deltakarar frå nabohagelaget og på turen !

3 kommentarer:

RandiF sa...

Var i den hagen i 2005 eller 2006, imponerande samling. Og kunnskapsrik vert, ja, det er sikkert.

Tullik sa...

Skulle gjerne vore der ein tur.... Go`helg !!

New Dawn sa...

Takk for flott hagevandring som jeg inntok i godstolen med kaffekoppen innenfor rekkevidde, og uten sluddbyger.
Ikke så langt fra meg dette, men jeg har ennå ikke vært der. Ser ut til at jeg må gjøre noe med det.
Ønsker deg god helg og en solfyllt 17. mai.
Den Potentilla atrosanguineaen som jeg fikk av deg lever i beste velgående. Skikkelig søt og yndig er den der den stikker opp av jorda. Nå gleder jeg meg til den skal blomstre.