onsdag 31. desember 2008

GODT NYTT ÅR!

Så er atter eit år til ende - eit år med mange gleder både i hagen og i livet ellers for min del.

For hagen sitt vedkommande er eg godt fornøgd med enkelte ting eg har fått utført.
Woodlandet eg starta på i fjor har eg forandra litt på og den store invisteringa der var Sorbus 'Dodong' som eg var heldig å få tak i.
I sommar fekk eg begynnt på oppbygging av ein fjellhage. Har tilkøyrt mykje stein og planta ein heil del alpine plantar som eg håpar overlever den fyrste vinteren.
i steinfyllinga under/nedanfor rekkverket til kommunevegen held eg på å etablere eit lyngparti og har planta ein del Calluna og Erica og frå før har eg nokre Hebe ståande der. Om nokre år håpar eg det skal bli ei pen steinfylling.

Den siste veka har eg teke juletrimmen på det viset at eg har hogge ved.
Nedanfor eigedomen vår står det ein heil del store tre som har stengt for både utsikt og lys til eigedomen vår. Med nye eigarar som naboar var det ja utan betenkningstid ved spørsmål om løyve til å hogge det som skygger og stenger for utsikta. Bare hogg det du vil, var svaret.
Veden får eg og, så eg reiknar med at eg no høgg ved for minst to fyringssesongar.
Gjett om DET var ei god julegåve å få !
Før- og etterbilder kjem eg attende til når eg har hogge så det monnar.

I familiesamanheng er det dei to barnebarna våre som no er 8 og 8 1/2 mnd gamle som er det dette heilt store dette året for oss. Det å bli Besten var ei ny oppleving for meg og ei stor glede.
Denne jula har vi vore så heldige å ha dei hos oss begge to, ei stor oppleving må eg seie med mykje glede i huset.
Idag tok vi dei med i hønsegarden så karane fekk helse på høner og hanar og det såg ut til at det var spennande saker, iallefall når hanen sette i eit skingrande kykkelikyyyy og hønene sprang etter brødskalkane vi delte ut til dei.



















Idag fekk eg den omreisande frøboksen i postkassa, men den må nok få kvile til i morgon då skal eg ha ei høgtidstund med frødykk i "arkivet" !
Ellers har eg sete litt i jula med frølister både frå STA, Dansk Primulaklubb og Euroseeds så det vert nok ein god del nye frøsortar som ankjem postkassa mi på nyåret ein gong.
Det er jo så mange slags plantar ein ikkje veit at ein manglar før ein finn bilete av dei på nettet (hi hi)!

Idag tok eg meg ei runde med fotoapparatet og foreviga Helleborus og Primula i blomst, vakre blad på Heuchera og nokre av krokusane som er på veg opp. Det eg gløymde var callunaen som har stått så fint og blomstra i steinurda sidan i oktober og er akkurat like fin enno.











Så vil eg få takke alle hagegale for eit inspirerande år, alle eg har bytta plantar og frø med for eit godt bytte ( med varige gleder) og alle som har vore innom bloggen min og lagt att kommentarar for eit hyggelig og kjekt år. Skal nok prøve å oppdatere bloggen min jevnlig i det nye året, og fortelle om det som rører sdeg både i hagen min og ellers det som opptek meg !

Då står det att å ynskje alle EIT GODT NYTT ÅR !

onsdag 24. desember 2008

GOD JUL !



Eg ynskjer ei riktig GOD JUL til alle !


Eg kosar meg med desse to karane her som tar det meste av tida mi no med jul !

lørdag 20. desember 2008

Å vere Besten og juletrehoggst



No har eg fått vore Besten for Mikael (8 mnd) sidan mandag og det er stor stas.
Sidan dei bur i Turku (Åbo), Finland er det ikkje ofte ein får vere Besten i praksis naturligvis.
Eg henta dei på Sandane lufthamn sist mandag og det var naturligvis stor gjensynsglede for begge partar. Dei skal vere hos oss heilt til 13 januar så vi får no kose oss i lag ei god stund.
Han er stort sett ein blid og fornøgd gut. Tilfeldigvis har eg funne ut at han er veldig glad i jodling og tirolermusikk så det er eit godt middel når guten treng trøst av ein eller anna grunn.
Han vert heilt andektig når eg finn tirolermusikk på YouTube som på biletet under.
Han krabbar rundt i full fart og kjem seg stort sett der han vil og eg vil tru at iløpet av den tida han skal vere her hos oss tek han dei fyrste stega. Det er iallefall moro å følge med på utviklinga.

Idag har Mikaels mamma og pappa vore med meg i skogen og hogge juletre. Heldigvis var det barmark så vi slapp å vasse over støvlane i snø i brattebakkane så det var no kjekt. Vi fekk forøvrig ei skikkelig hagskur og ei våt og saftig sluddbyge då vi skulle til å hogge men vi var godt kledde så det prella av oss.










Hannu sagar årets juletre.















Her er to stolte juletrejegerar















På mandag kjem det meir julegjestar, då kjem Sander, det andre barnebarnet vårt med mor og far og sidan det bare er fem vekers aldersforskjell på dei to gutane vert det moro å sjå kor fort dei finn tonen som syskenbarn, dei har jo ikkje sett kvarandere tidlegare heller.
Den yngste dattera med sambuar kjem på julafta og mine foreldrer skal og vere ilag med oss på julekvelden så då vert det fullt hus med 4 generasjonar i stova rundt middagsbordet og utover kvelden.

Ellers fekk eg to frøkatalogar i posten idag, den eine ei tilleggsliste frå Leüthens og den andre frå Konnässörklubben som eg hadde heilt gløymt av at eg hadde meldt meg inn i (rødme). Den siste har eg såvidt kikka litt i og der er det mykje snacks ser eg, masse løkvekstar, stauder og busker som vekker interessa mi så det går nok heilt sikkert ei bestilling der og.


På torsdagskvelden var eg på "Dampen", restauranten i bygda på julebord med masse god mat ilag med andre medlemmer i styret for utviklingslaget - ei trivelig stund.

I morgon er jo den stooore dagen for oss som lengtar etter lysare tider. Då snur nemleg sola som vi seier og vi kan bare begynne å sjå fram til at dagane lengnar og det går mot vår.


Ynskjer alle ei god førjulstid desse få dagane som er att til julekvelden, det går fort no men vi er stort sett ferdige med både julegåver, kakebaking og andre forberedingar, så no er det stort sett bare kosen framover.

søndag 14. desember 2008

Frøsådd 2008 / 2009

Sådd 11.02.2 009
Frø frå STA og Dansk Primulaklubb.

Androsace brevis (STA)
A. carnea v. brigantica (STA)
A. halleri (A.carnea ssp. rosea/A. c. v. halleri) (STA)
Cortusa altaica (STA)
C. matthioli 'Alba' (STA)
C. matthioli ssp. pekinensis (STA)
Draba aizoides (STA)
D. dedeana (STA)
D. fladnizensis(STA)
D. haynaklii (STA)
D. lasiocarpa (D. aizoon) (STA)
D. korabensis (STA)
Fritillaria imperialis 'Rubra' (STA)
F. imperialis v. inodora (F.eduardi)(STA)
Primula aurantaica (DPK)
P. burmanica (DPK)
P. chionantha, kvit (DPK)
P. chionantha ssp. melanops (P.melanops)(STA)
P. chionantha ssp. sinopurpurea (DPK)
P.elliptica (DPK)
P. grandis (DPK)
P. mistassinica (DPK)
P. modesta (DPK)
P. mollis (DPK)
P. muscarioides (DPK)
P. polyncura (STA)
P. prolifera (DPK)
P. x pubescens, bl.fagar (DPK)
P. pulverenta (DPK)
P. rysbyi ssp. elleisiae (P. elleisiae) (STA)
P. wilsonii var. anisodora (DPK)
Saxifraga cochlearis (STA)
S. granulata (STA)
S. hirsuta (STA)


Sådd 01.02.2009:
(Alle frå Euroseeds)

Androsace dasyphylla
A. sarmentosa
A.sempervivoides
A. spinulifera
Corthusa brotherii
Draba hispida
Eriophyton wallichii
Fritillaria drenovskii
F. gracilis
Pulsatilla albana
Saxifraga kartalaginea
S. ferndinandi-coburgi
S. scardica


Sådd 22.01.2009:

Allium aflatuense ' Purple Sensation' (Trine)
Androsace carnea (Timian)
Aquilegia buergeriana var cameo (Rita)
Buddleja alternifolia
Camassia, blå (ToneM)
Clematis macropetala 'Markham's Pink'
Fritillaria meleagris (eigen avl)
Me
conopsis betonicifolia, blå valmuesøster (eigen avl)
M. quintuliplinervia, Klokkevalmue ( eigen avl)
Onopordum acantium, Eseltistel
Primula concholoba (eigen avl)
P. heucherifolia (eigen avl)
Pulsatilla alpina ssp. apiifolia
Rhodiola atropurpurea, Raud rosenrot
Rudbeckia occidentalis 'Green wizard'
Tulipa urimensis (eigen avl)

Rhodociton atrosanguineum - BLODBEGER.


Sådd 20.01. 2009:

Caltha leptochepala
Helleborus atropurpurea
helleborus foeditus
Helleborus niger
Liatris spicata 'Kobold'

Alle sortane låg til bløyt i lunka vatn med oppvaskmiddel på termos
i ca. 2 døgn

Frå "Den omreisande frøboksen - 2007/2008 "
(som kom så seint at eg gøymde frøa til hausten)

Aquilegia X hybr. 'Blue Bonnets' s. 08.12
A. 'Heidi' s. 08.12
A. 'Mc Kanas Giants' s. 08.12
A. 'Nora Barlow' s. 08.12
A. caerulea 'Rotstern' (Himmelakeleie, raud /kvit) s. 08.12
A. 'Ruby Port' s. 08.12
A. x hybr. 'Spring Magic' s. 08.12
Cardocrinum giganteum s. 08.12
C. glehnii (C. cordatum v. glehnii) s.08.12
Carex pendula (C. capillaris) s. 08.12
Clematis heracleifolia s. 08.12
C. potaninii s. 08.12
C. tangutica 'Radar Love' s. 08.12
Dictamnus albus 'Albiflorum' (Kvit Askrot) s. 08.12
Kolkwitzia amabilis s. 08.12
Syringa reflexa s. 08.12
Viola soronaria 'Alba' s. 08.12

Frå STA sitt tillegssal våren 2008:
(som også var så seie at eg gøymde dei til hausten)

Adonis vernalis s. 08.12
Erigeron alpinus s. 08.12
Gentiana makinoi s. 08.12
G. purpurea s. 08.12
G. triflora s. 08.12
Saxifraga cruneifolia s. 08.12
S. manschuriensis s. 08.12
S. rosacea s.08.12
Trollius asiaticus s. 08.12
T. hondoensis s. 08.12
T. macropetalus s. 08.12
T. yunnanensis s. 08.12


Frå Magnar Aspaker si frøliste hausten 2008

Androsace hedraeantha s. 08.12
A. mathildae s. 08.12
A. x pedemontana s. 08.12
A. sempervirens s. 08.12
Dodecatheon dentateum s. 08.12
Draba rosularis s. 08.12
Gentiana grossheimii s. 08.12
G. oschtenica s. 08.12
Primula clusiana s. 08.12
P. luteola s. 08.12
P. tschuktschorum s. 08.12
Saxifraga kolemantiana s. 08.12
S. stribrnyi s. 08.12
Soldanella carpatica s. 08.12
S. pusilla s. 08.12
Wulfenia baldocii s. 08.12






mandag 8. desember 2008

SÅSEONGEN ER I GANG

Då har eg starta såsesongen 2009.
I dag tok eg mot til meg og sådde ein del staudefrø som skal stå ute i vekslande vinterveir og godgjere seg før spiring. 48 forskjellige artar kom i jorda idag så det er no ein pen start det ja !
Eg får lage eit eige innlegg med namn der eg kan følge opp med spiredato osv. utover våren og sommaren.

Ellers har no heldigvis helsa ret
ta seg, hofta er igjen i gjenge håpar eg, så i morgon er det jobb igjen.
Fredag kappa eg dei trestammane eg hadde drege heim og var klar, og laurdag kløyvde eg dei og stabla midlertidig ute. Der får dei stå til det er ledig plass i vedahuset til "varig" oppbevaring under tak. Godt å ta det etterkvart.

Den veka som gjekk har det halde seg vinterleg, men natt til idag regna det kraftig ei stund og det kom over 48 mm iløpet av nokre få timar. Snøen som låg forsvant, men på morgonkvisten kom det ei kraftig snøbyge som la kvitt igjen. Seinare gjekk det over i sludd og regn, fortsatt er det kvitt ute.

I går skreiv eg julebrev til slektningar på andre sida av "dammen", kjekt å ha kontakt med den delen av slekta, eller rettare sagt etterkommarar av dei som eingong valde å prøve å skaffe seg levebrød i "den nye verda" over there !
Medan eg skreiv julebrev som skulle sendast fant madammen ut at vi skulle sjå om vi fant dei på Facebook ! Vi fant mange med det aktuelle namnet som budde i Canada og tok sjangsen på ei som vi syntes kunne passe og skreiv melding med forespørsel og det var full klaff ! Rette folka og stor glede på begge sider av Atlanteren. Og gjett kva dei styrte med på ein søndagsføremiddag (blei det vel der borte) ?
Jau dei sat og skreiv julebrev som skulle til Norge... artig samantreff syns eg !

Dagen vart ellers brukt mykje til googling i planteverdenen. Ei lang frøliste frå Euroseed med masse spennande plantar -særleg alpinplantar vart gjennomgått og eg fekk lagd meg ei liste over prioriterte som eg skal sende nedover bare eg finn ut korleis eg skal sende betalinga.... det var ikkje bare, bare......

Dagen idag har eg forutan å så staudefrø vore mykje oppteken over grublerier over hagegal sin julekalendertråd, men idag gjorde eg visst meir ugangn enn gagn i forsøket på å finne løysinga.. (hi hi ..) men løysinga kom i hamn tilslutt likevel. Randi M er bare fantastisk flink å løyse oppgåver ! GRATULERER !!

Ugle bildet trur eg at eg må dedikere Randi i dag !
Den vesle porselensugla kjøpte eg i Turku då vi var der i sommar. Ei slik hadde eg lett etter eit par år utan å finne ei som passa i holet i vedkubben.
Den står på murkanten ved inngangsdøra vår som ei lita helsing til alle som kjem og går !

Ha ein fin mandagskveld alle saman !

fredag 5. desember 2008

Juletremerking



Idag har eg vore til skogs for å merke juletre i tilfell det vert så mykje snø at det vert vanskelig å ta ut eit brukande juletre når den tid kjem . Dette er noko eg plar gjere tidlegare på hausten, men i år har det ikkje blitt gjort tidlegare.
Det er vinterlig her hos oss no men nokre få cm snø og passeleg kaldt. Varierar frå rundt null til eit par kuldegrader.Vi har fleire skog teigar som høyrer til garden, i eit par av dei har vi planta gran så vi er sjølvforsynte med julegran iallefall inntil vidare. Vi skulle nok ha planta meir no slik at vi har høvelege juletre om 7-8 år og utover, då er nok dei vi no høgg på for store.

Eg fant eit tre til slutt som eg vart fornøgd med, i år må vi ha eit som ikkje tek for stor plass for i år blir vi forhåpentligvis mange som skal dele på plassen i stova i jula.Vanlegvis er eg nokså nøye på kva eg tek med meg heimatt frå skogen som juletre og likar dei fyldige og tette - i år måtte eg finne eit smalt eit. Det vert nok bra når vi får pynta det likevel !


Etter at treet var merka med gul plastsløyfe var det tid for å nyte utsikta mot bygda og innover fjorden.
Flott er det med vinterbilder sjølv om eg ikkje likar vinteren og kulden. Seinare på dagen kappa eg ved som skal kløyvast når eg får høve til det, likegreit å kappe og kløyve og få i hus etterkvart som det vert ledig plass i vedskylet såer det gjort og ein slepp å kløyve all veden på ein gong.



I går var eg på Eid på handlerunde og då traff eg Elsa som var på Nordfjordtur, det var koselig og overraskande å treffe hagegale frå nabofylket.



Eg skulle ha starta med frøsåinga og - har liggande ein god del staudefrø som skal såast, men har gløymt å ta inn sand så den er botnfrosen og eg må vente på mildveir, noko som visstnok bare er to dagar unna så då vert det nok staudesåing på mandag.
Eg får bruke helga til gravering av merkelappar.

No har eg fått med meg dagens episode med "The Julekalender" og; bob, bob, bob - ikkje sant ?

Ha ei god helg alle saman !