tirsdag 25. november 2008

FARFAR


FARFAR

Eg går og tenkjer på det som var
eg går i farfar i sitt fotefar.
Eg ser han stå over stabben bøygd,
får vintraveden til neste år kløyvd.

Eg ser han stå i den bratte bakke
med bein i kors og med bøygde nakke,
han står og bryner sin gamle ljå
for ingen kunne som farfar slå !

Eg ser med øykjen han fer og køyrer
og smattelydar eg også høyrer,
han styrer merra så trygt på plass
og lesser opp nok eit turrhøylass.

Eg ser han steller med sau og krøter
og ser at nøter og garn han bøter
og plukkar stein av den svarte jord
og rør i færing på stille fjord.

Så fast i hugen dei set der minna
og aldri, aldri dei bort vil svinna.
Eg gøymer varmt kvar eit lite skimt
som meg passerar i syn og glimt.

Til sist eg ser han på siste ferda
då han drog frå oss - frå denne verda,
det var med slåtten for fullt stod på
på låvegolvet vi fann han då.

--------- ------- -------


Idag tidleg hadde eg ekstra god tid før eg skulle på jobben og sat og las dei hagegale sine bloggar, enkelte av dei hadde eg lese før men las gjennom dei enno ein gong m.a. Charlotte sitt innlegg der ho fortalde at ho hadde mist sin kjære far.
Eg kom i tankar om kor heldig eg er som enno har begge foreldra mine i live og endog til ei mormor som snart fyller 95.
Då kom dette diktet som "rekande på ei fjøl" til meg og eg fekk lyst å dele det med andre -
Kva er då meir naturleg enn å bruke det i min eigen blogg ?

Eg og farfar hadde nær tilknytting til kvarandre, dei budde i same huset som vi - i kvar vår ende, så det var inn og ut likegodt der som i vår eiga stove.
Som smågut var eg med han i arbeid, på jakt, på sjøen og var det preikesøndag følgdest vi åt der og.
Han lærte meg å køyre merra, sjå forskjelen på dei forskjellige treslaga i vinterdrakt, kaste på stikka og kaste snøball på ein treffsikker måte - noko han var ein meister i !
Varme og gode minner og ta med seg vidare i livet.
Dette innlegget er til minne om min farfar !

9 kommentarer:

Unknown sa...

Så hyggelig at du vil dele dine tanker om din farfar med oss. Flott bilde av ham, også, ute "på post"!
Det er godt å ha kjent slike mennesker.

klem fra den andre kanten av landet :-)

RandiF sa...

Så fint det var, Hajal.

vig sa...

Nydelig dikt, Hajal!

Harryford sa...

Fine ord Hajal!

Ja slike brå avreriser som Charlottes far, kan få en til å tenke - på det og hint!
Men, vi er heldige vi, som har gode minner fra de gamle gjemt i hjertene våre.

Morsomt å se din farfar stå der å kvesse ljåbladet. Skaftet godt festa mellom kryssende legger!
"Arbeidsklærne" typsik for den generasjonen! Først fintøy, så hverdagstøy, så arbeidstøy! - så mattefiler!!!

De er vel på mange måter heldige de, som får stå "arbeidsdagen" fullt ut, som din farfar!

- og nå er det du som er bestefar og lager gode minner for kommende slekter! ;-)

Berit sa...

Staselig kar og fint dikt!
Det må være ønskedrømmen å leve fullt ut til det siste, og etterlate seg gode minner.

hajal. sa...

Takk !

Han sa det mange gongar sjølv :
"Eg håpar at når dagen min er kommen så berre ligg eg der ! "
og slik vart det, han hadde fyllt opp sprøytekanna med maursyre klart til å sprøyte på lasset når det var jamna i siloen og der låg han når vi kom med lasset - heilt etter eige ynskje. I etterkant er vi svært glade for det, han slapp å bli liggande og hjelpetrengande !

Britt Åse sa...

Å, så fint det var! Minner meg veldig sterkt om min egen morfar, og vekket masse barndomsminner. Diktet kunne vært skrevet om ham, i grunnen, minus hesten :-)
Min morfar var også i gang til han var et par og nitti, -han hadde vært nede på butikken og handlet for mormor, og så stoppet hjertet da ha la seg nedpå litt etterpå.
Tusen takk, hajal!

elle-melle sa...

Det var nydelige ord.
- og det er en verdifull ting å eie gode minner.

Marit sa...

Nydelig dikt, hajal. Bildet fikk frem minner fra ferier i Numedal da jeg var liten. Farfaren din var en heldig mann som fikk en fin bortgang. Det må være bedre enn å ligge og plages i mange år på et aldershjem. Takk for titten av det flotte bildet :)