lørdag 22. november 2008

Full vinter og lokalhistorie





Ja så kom vinteren for fullt som meterologane spådde. I dag tidleg når eg stod opp var det mykje snø ute, og på målepunktet mitt ved målestasjonen var det 38 cm med våt og tung snø.
Gjett om eg var glad for jobben eg gjorde tidlegare i veka med oppbinding av diverse busker.
Det vart ei heil ykt med snøspaden og måke snø både frå veg, parkeringsplass og trapper.
Det hadde visst vore ein god del vind og ein periode i natt, for på eine sida av huset var det festa seg snø både på dører og veggar.
Dei gamle morelltrea er snødekte idag.















I dag har eg kjøpt meg ei bok av ein lokal forfattar som har fått tittelen "Folk før. Femti historier frå Nordfjord" der den tidlegare læraren Kjell Askeland har intervjuva 58 eldre personar som gjev grunnlaget for desse femti historiene frå deira liv og virke. Mange av desse intervjuvobjekta er slektningar av meg og bygdefolk eg har kjent - for dei fleste av dei er, som vi seier, gått ut av tida. Dei er vekke, men historiene deira kan fortelje oss i vår tid korleis det var å leve i ei tid vi som ikkje har opplevd det knapt kan forestille oss. Eg trur vi alle har godt av å lese slike historier og smakebitar, frå tider då mest all tid gjekk med til å skaffe innkome til seg og sine.
Forfattaren Kjell Askeland var ein av mine lærarar og alle dei tre jentene våre hadde han og som lærar så av den grunn er det jo og litt kjekt å ha boka.
Eg håpar same forfattar har meir på lager og kjem
med oppfølging av denne boka.

Ha ein fin helg rundt i det ganske land !

2 kommentarer:

Anita sa...

Gildt! Slike bøker er utrolig interessante fordi de blir satt inn i en større sammenheng. Og det ser jo ut som han har hentet fram noen ganske muntre kilder!

Rart med det. Dere har full vinter, vi har kulde og barfrost. Nabokatten prøvde å komme seg inn i sted. Makan. Lille My ville fått angstanfall. Det får hun av andre katter uansett...

Mete sa...

Flotte bilder, og det er nå noe koselig med snø også, da... Kanskje det er fordi vi har så lite ordentlig snøvinter her sør?

Og sånne bøker er utrolig koselig lesing! Både fordi det er nært og kjært, og ofte kjenner man både folk, hendelser og stedene.

Ha en flott uke!