søndag 18. mars 2012

Vårblomstring - tidleg vår til glede for dei fleste av oss

Det er å reikne som full vår her no og blomstringa er i full gang. Snøklokkene her blomstra sidan 23. januar og dei vanlege snøklokkene er etterkvart i ferd med å avslutte blomsterpryden, medan dei fylte snøklokkene som blomstrar lenger framleis står like fine som då eg tok dette bildet for 10 dagar sidan. I går såg eg den fyrste humla flaug frå blomst til blomst blandt krokusane og idag såg eg jamvel at den fyrste påskelilja viste farge, Svarttrasta har starta med morgonkonsertane sine og i dag tidleg høyrde eg tjelden for fyrste gong - Då er det vår!!

Blåveisane har alt blomstra ei heil stund. Her er det H. transsylvanica - Ungarsk blåveis som viser seg fram...

her er det H. transsylvanica 'Buis'

Denne skulle være H. nobilis marmorata, dvs skulle den ha marmorerte blad men ved feillevering frå produsenten veit eg ikkje kva sort det er - den har iallefall ikkje marmorerte blad, men uansett er iallefall blomane fine!

Den vanlege blåveisen Hepatica nobilis har rik blomstring kvar vår, denne varianten syns eg har ekstra små blomster.

Krokusane blomstrar flittig og er absolutt kjærkomne uansett farge







Her er det samla forskjellige fargar krokus i tillegg til snøklokker rundt sommarfuglbuska

Eranthis hiemalis er ein av dei tidlege vårblomstane og, men eg slit litt med å få dei til å trivast i hagen min av ukjent grunn.


Haquetia fekk eg som bytteplante for eit par år sidan og har planta den ved sida av ein Rhododendron. Liten plante som ikkje gjer så mykje av seg, men er kjærkommen når den blømer så tidleg som no.

Dette er skot av ein Sassaurea, men eg veit ikkje artsnamnet - også det ein bytteplante eg har hatt nokre år som får nokså store blad etter at den har blomstra frå seg. Heldigvis berga den knoppane då hjorten var der og forsynte seg med dei fyrste grøne skota som stakk opp tidlegare i vinter.

Så til slutt vil eg vise kva eg fant i hagen hin dagen då eg var ute og grov litt i hagen. Denne metallboksen med Niveakrem har lege i jorda iallefall meir enn 30 år, kansje over 40 år, frå tida før det vart tvungen renovasjon her i kommunen og det som ikkje kunne brennast vart gravd ned i hagen.......
Godt nedgravd som den var, har den bevart teksten som om den nettopp var blitt tømd og kasta. Det andre som var kasta og nedgravd i same hola var forvitra og bare restane igjen av og omdanna til produktiv jord og mineral.
- Eg er iallefall overtydd fabrikken har sine ord i behald når det gjeld teksten på boksen: " gir en pålitelig beskyttelse mot skadelige innflytelser...."

7 kommentarer:

Ranten sa...

Det var frodige og flotte vårbilder! Ikke så verst her i Bergen heller. I dag har vi faktisk hatt litt sol! Og det hjelper mot det aller meste :)

Kristin Aurdal sa...

Så flotte vårbilder du har tatt- Våren har kommet her også, men i dag har det vært et par sluddbyger - håper det bare er forbigående.

Nydelige blåveis, mener jeg plantet en i fjor høst, men har ikke sett noe til den ennå. Får gå ut å leite når været blir bedre.
God søndag :-)

krepsemor sa...

Så vakker vårblomstring hos deg, og det er kommet mye lenger enn hos meg! Erantis: var ikke det den Blomsterstjernen kalte Vårjækel? :)
Nydelig blåveis, og krokusene under sommerfuglbusken din var virkelig oppsiktsvekkende!
Ha en fin uke!

Garden Living sa...

Flotte vårbilder! Herlig! Vi ligger nok litt etter her, men fint å se hvor det bærer :-) Fine blåveiser du har :-)

hajal. sa...

Takk for hyggelig kommentarar alle saman. Idag vakna vi opp til 6 cm snø og eit par kuldegrader, men det tok ikkje lang tid før temperaturen kom over "streken" og no smeltar det for fullt igjen, nokre solgløtt i ny og ne hjelper også til. - Med andre ord typisk vårveir! :D

Bjørnar sa...

Tror den Saussurea'en må være ei pestrot? Petasites japonicus eller albus?

hajal. sa...

Takk for tipset, Bjørnar. :D
Har fått den som Sausssurea og har vel ikkje sjekka nærare.