hajals hagegalskap på Nordåker

Bonusblomstring i november

2011-11-21T14:48:00.008+01:00

Kvitbladtistel (Cirsium heterophyllum) - Hondeløfse er dialektnamnet på denne vakre tistelen som vanlegvis blomstrar i Juli-august. No har den teke seg på tak og remonterar i november.

******* ****** ******

Ja no er det lenge sidan eg har posta noko på bloggen min.
Denne sommaren og hausten har vore våt, våt og våt... men med november kom også mange fine dagar og temperaturen er for årstida svært behagelig. Nokre dagar har vorte utskjemde med tjukk skodde heilt i fjæresteinane og dei dagane har eg ikkje så mykje fysikk til å holde på i hagen.
Frosten er det knapt så vi har helst på. To gongar har eg skrapa is/rim av bilen og plengraset i hagen har bare såvidt vore rima eit par gongar. - Du verden kor flott når ein er komne til at vi snart skal starte på siste veka av november.
Eg kosar meg ute i hagen dei dagane eg er i stand til det.
Idag har eg reinska ugras i woodlandet i 10 varmegrader og heilt vindstille - ein heilt super dag!

I septiktankbedet mitt står fortsatt fuchsiane i blomst, og dei skal få lov å stå ute så lenge det ikkje er fare for skikkelig frost eller snø. Bare dei to stammefuchsiane mine har eg teke inn. Ikkje pga frosten, men pga. hjorten hadde lagt sin elsk på dei og friserte dei nokså bra så det var eigentleg lite å plukke vekk.

Rosa 'Queen Elisabeth' har eigentleg blomstra godt i heile sommar og haust til tross for mykje nedbør. Det er virkelig ei rose å anbefale på nedbørsrike stadar.
Også 'Golden Showers' og 'Symphatie' blomstra enno, men dei bileta vart altfor uklare til å ta med her...

Også Clematisane blomstrer flott no

Det er ikkje uvanleg at hageprimulane kjem med fornya blomstring om hausten, her er ein av dei

Doronicum er vanlegvis ein vårblomstrande plante, men denne har teke seg på tak og kjem no med ein blomst i slutten av november.

Hortensiane blomstrar enno, vakre bladfargar har dei og. Den rosa som eg fekk av naboen i fjor har eg ståande i ei potte og den skal inn når vinteren kjem for fullt. Neste år skal eg finne ein høveleg plass til den i hagen håpar eg...Den blå Hortensiaen kjem frå stiklingar eg tok med meg frå beplantinga ved Haukeland sykehus i Bergen for nokre år sidan. Dei har blomstra trufast her i mange år og er fine innslag når det meste har gjett seg med blomstringa om hausten.

Den kvite julerosa mi har starta blomstringa og stadfester at ringen er slutta, dei som har hatt sesongen sin er i ferd med den siste blomstringa si og dei som er på tur til ny blomstringsesong er igang med den.

PS! Alle bileta i innlegget er tekne den siste veka.

Sommaren som rann vekk

2011-09-25T10:02:00.009+02:00

Då er det vel på tide å blåse liv i ein altfor lenge "sovande" hageblogg.
Denne sommaren må eg innrømme at hagen har vorte forsømt, dels på grunn av helsetilstanden og dels på grunn av prioritering på andre områder.
Veiret denne sommaren har som alle veit vore mildt sagt våt og miserabel for ein hageentusiast og hagelysta har i stor grad vore fråværande, iallefall i periodar.

Store delar av sommaren har dette vore utsikta vår, noko som ikkje bidreg positivt til det helsemessige når ein plagast med muskel og sjelettplager:

Men inn i mellom har det vore små lysglimt som gjev grunn til optimisme også på veirfronten...

Vi bur ikkje slik til at vi ser solnedgangen, men vi har desto meir glede av fagre soloppgangar og særleg på denne tida på året kan det være svært vakre morgontimar å glede seg over dersom overgartnaren viser godsida til.

og når skyene etterkvart forsvinn skin sola og gyllar fjorden

Nokre få dagar har til og med vore retteleg så fine - her ser dåkke indre delen av bygda eg bur i - Davik

Alle bileta er tekne frå veranden vår no i løpet av September.

Ting som skal kastast.....

2011-06-29T13:19:00.004+02:00

Ting som skal kastast kan få eit fornya liv ved feks. å bli beplanta med nokre av dine kjære hageplantar. Sedum og takløk egnar seg særs godt å bli planta i små "konteinera" som det eg har gjort her.
Denne skoen har for lengst sett sine beste dagar som det den var tiltenkt, men med takløken og Sedumen som bebuarar vil den truleg fortsatt få nokre gode år som "pensjonist" i hagen til glede og munterhet for forbipasserande.
Sender ei takk til Mariann i Ulsteinvik som eg har snappa ideen frå. :-)

Her der det botnen på eit fuglebrett som er snudd "opp-ned" og beplanta med takløk og stein
Forhåpentligvis veks dei seg til iløpet av sommaren og fyller meir ut.

Denne flettakorga skulle kastast og kva er vel betre enn å få tene som prydobjekt på hagebordet til den vert så skral at den går oppløysing ?

Pionblomstring I

2011-06-26T14:47:00.010+02:00

Her ein flott rosa silkepion frå "Strand" - ukjend sort, men flott likevel.....

No er silkepionane (P. lactiflora) komme i blomst og dei tre som er fyrst ute er 'Festiva Maxima', 'Shirley Temple' og ein ukjent rosa eg har fått frå "Strand" på hagegal.
Eg viser alle tre sortane i begynnande opning og i open blomst. Dei fleste silkepionane står med knoppar no i varierande utviklingsgrad.
Tom. dei eg kjøpte gjennom importen frå Kina i fjor haust har knoppar, og eg har ikkje hjerte til å plukke dei av sjølv om eg eigentleg burde ha gjort det dette fyrste året slik at dei fekk bruke all kraft til vekst og utvikling av røtene.

'Festiva Maxima' er flott med den raude stripa i senteret av blomsten

'Shirley Temple' har svakt rosa knoppar, som utsprotten er den svak rosa som går over i kvitt med gult senter....

Klosterpionane (P. officinalis) er snart avblomstra for i år, men dei har stått fint lenge sjølv om veiret ikkje har vore av det beste. Heldigvis har det ikkje vore mykje kraftig regn som har gjort ende på dei, og den kjølege temperaturen vi har hatt har gjort sitt til at blomstringa har vart lenge (aldri så gale at det ikkje er godt for noko!).

Her har vi 'Rosea Plena' og 'Rubra Plena' med dei siste blomane for i år....

Fargen på 'Rubra Plena stemmer ikkje heilt, men den rette fargen ser ein på biletet under som viser siste resten av ein avblomstrande 'Rubra Plena'

Alle Peonane gjev eg ein neve beinmjøl i planteholet + ei god dose hønsegjødsel i botnen med jord over før eg plantar dei. Det ser det ut til at dei set svært stor pris på og iflg. "Pionmannen" kan dei ikkje få for mykje kalk.

Seinare i sesongen vil eg komme tilbake med bilder av dei andre Silkepionane som kjem i blomst seinare.

Arisaemaen er i blomst

2011-06-19T12:36:00.006+02:00

Idag vil eg vise bilder av den flotte Arisaemaen min som no står i blomst for fyrste gong. På norsk heiter den visstnok snabelkala utan at det er eit namn som er særleg kjent trur eg.
Eg har hatt den 3-4 år trur eg, men dessverre er merkelappen borte så eg er ikkje sikker på kva art det er, og ikkje hugsar eg kvar eg har fått denne lekkerbiskenen frå heller.
Den ser ut til at den trivs godt der eg har plassert den, i skuggen i jamt fuktig jord og den har fått rikeleg "heimeavla" hønsegjødsel å kose seg med, noko den ser ut til å setje stor pris på for i år har det poppa opp nokså mange skudd der den står. og den kvitterar med to blomster noko eg set veldig stor pris på.

Den var veldig vanskelig å fotografere så eg måtte ty til ei kvit papplate som bakgrunn for å få skikkelig fokus og få klåre bilder.
Nokon som veit om den godtek å bli flytta i vekstsesongen eller om eg må vente til tidleg vår med å flytte knollar ?

Så må eg vise den frodige og fine kvite valmuesøstera mi - Meconopsis betonicifolia 'Alba' - den veks seg større og frodigare for kvart år, den óg likar seg i jamt fuktig jord i skuggen.

Så må eg vise bilde av den flotte flekkmarihanda Dactylhorzia maculata - ein orkide som det veks nokså mykje av her i gamal eng. Flott hageplante er den og. Nydelig mønster når ein får studere den på nært hold. Den trivst best i lett sur jord og halvskugge

Mine namnlause Hosta

2011-06-15T17:17:00.013+02:00

Då skal eg presentere dei 12 namnlause Hostane mine. Dei er alle flotte sjølv om dei er namnlause, men det er eno kjekt å ha eit namn å forholde seg til, ikkje minst vet bytting eller om ein skal kjøpe nye og står og lurer - "hm... har eg den skal tru...?"
Kom gjerne med namneforslag om du har! ;)

'Blue Cadet'

War Paint

Den over fant eg namnet på sjølv : Hosta minor

'Fracee'

H. fortunei ' Albopicta'

'Thunderbolt'

H. undulata 'Mediovariegata'

>H. undulata 'Snow White'

Desse to under er nokså like, men er IKKJE samme sorten.... (Den eine kan være 'Gold Standard' og den andre 'Inniswood')

Hostaene mine

2011-06-13T21:28:00.010+02:00

Idag vil eg presentere Hostaplantane mine. Eg har 28 forskjellige, og litt over halvparten har eg namn på. Dei andre har eg enten fått som namnlause eller har mista namnelappen på.
Dei eg presenterer idag er dei eg har namn på ( håpar at namna er rette og hvis ikkje håpar eg på kommentarar med retting!) .
Dei namnlause presenterer eg i eit eller to nye innlegg og då vil eg sette stor pris på om nokon vil hjelpe meg med dei namna som manglar.
Hosta er flotte bladplantar som høver godt både i sol og skugge alt etter kva sort ein har med å gjere. Det finst både store sortar og nermast dvergsortar, heilt grøne, blågrøne, variegerte og tofarga i alle slags mønster, matte og glansfulle blad - i det heile alt mulig for ein kvar smak og til ein kvar plass - og ikkje minst veldig mange av dei høver godt i skugge og i tilknytning til stein og vatn, woodland, innramming osv.......

Ja då er det asltså klart at dette ikkje er Hosta sagae

n... og det rette namnet her er Frances Williams

Gløym meg ikkje!

2011-06-05T07:46:00.003+02:00

Eit vinddrag tok eit frø ein gong
det rulla over grå betong
i trappetrinn ved nóva.
Eg sat vel truleg like vis
og surfa i mitt paradis
på PCen i stova.

Men frøet rulla, vil eg tru,
på kryss og tvers for så å snu
og hamna sist i sprekka
i mellom stein og grå betong
og fanga var for siste gong
der ingen kunne rekka.

Så gjennom vintrens mørke natt
i frost og is det låg forlatt,
var gløymd og lite ensa.
Det låg der fanga i sitt hol
med viljestyrke sterk som stål
og levde heilt på grensa.

Men det kom vår og varme drag
og det kom lys når det vart dag
då byrja det å spire.
Og opp or stein og grå betong
eit lite liv kom nok eingong
- eg spår det var 'kje pire!

Trass tronge kår den veks og gror
og blømer nett som mora gjor'
der i si tronge sprekke.
Og kvar gong eg skal gå forbi
den helsar meg så glad og blid -
Her står eg - gløym meg ikkje!

Pionblomstring

2011-06-04T18:35:00.005+02:00

Denne Trepionen er frøsådd og den fekk eg frå Bina i Trondheim for nokre år sidan. Det er fyrste året han blomstra og eg var veldig spent på kva farge den ville openbare når den opna seg. Nydelig rosagulfarge som minner meg mykje om Victoriaplommer. Sjølve buska er ca 120 cm høg no vil eg tru, og nokså mange knoppar som står klar og skal sprette ut.

Svovelpionen (P. mlkosewichii) under er også frøsådd og fyrste året den blomstrar. Denne fekk eg dessverre lite glede av dette året. Eg hadde tenkt å ta bilde av den i går, men då var den ikkje heilt open så eg utsette det til idag, men ein periode i natt med kraftig vind og slagregn lurte meg på det... litt trasig er det, men ein må godta naturen slik den opptrer og det er ikkje alltid til hageeigaren sin fordel.

Dillpionen (P. tenuifolia) derimot klarte seg fint i uveiret i natt fyrste dag den er open den og. Fargen er ikkje heilt rett på bildet, den er meir mørk raud - ein flott pion.

Veitchi-pionen har snart gjort seg ferdig med blomstringa for i år. Den har vakse eg stor og flott og har i år hatt mange flotte blomster, men veiret har som kjent ikkje vore så pionvennlig...

Her er ein av blomstrane ferdig med årets blomstring og frå no av er det frøsetting som er på programmet. Det vert forhåpentlig rikeleg med frø i år dersom det har vore veir nok til at dei er pollinerte då - det er ei anna sak...

No kjem officinalis-pionane hakk i hel, Her ein stor og flott knopp på 'Rosea Plena' som kjem til å opne seg skikkeleg om få dagar.

Andeparet

2011-06-01T05:54:00.004+02:00

Idag har eg no jammen gjort meg hard
og kasta mangt eg før beordra SPAR !!!
Der var så mykje og mangt i kvar ei krå
så fullt av "skattar" at eg ingen ting fekk sjå.
Ei gamal dør eg fant og dertil karm
ein varmedress som eingong holdt meg varm,
eit utal hanskar som var full av hol
det bar eg ut og kasta på mitt bål.
Dei mange glasfakk eingong bar ei plan
men den kvarv bort, vart gløymd til denne dan'.
Eg bar og trilla - det var enkel sak
og nørte jamnt til elden godt tok tak.
Så brann det vel og lenge, brann og rauk
for radt til himmels restane dei strauk
og for med vind til veirs med lette drag,
men att på bakken låg eit oskelag.
Når haugen vel var brend og eg stod att
og raka glør or oska grå og matt
då kom dei fram dei to som de no ser
eit andekjærastpar forvisst det er!
No skal dei to ein heidersplass seg få
frå no av under morelltreet stå,
på steinbenken der eg plar sitje ned
når eg går rundt og steller mine bed.

Dei fem vakraste akkurat no

2011-05-30T21:50:00.004+02:00

I hagebloggen Hildeoghagen vart vi oppfordra til å vise dei fem vakraste i hagen akkurat no - ei vanskeleg oppgåve for dei er alle vakre kvar på sitt vis med sitt særpreg. Så kven skal vi sette att..? Hmm...

Eg får starte med den rosa Hageazaleaen utan namn som har ein farge som er vanskelig å kombinere, difor er den store kjeglegrana til høgre og Rhododendron 'Baden Baden' som vi skimtar til venstre gode naboar.

Meconopsis 'Lingholm' har ein klar og fin blåfarge og no har vi hatt akkurat slikt veir denne likar dei siste 14 dagane, med kjølig og fuktig veir. Syns det var artig med regndropane som skin igjennom kronblada.

Så syns eg at Lewisia må få være med i utvalget. Bare ein liten lomme med jord som er pressa inn mellom steinane er alt dei har å klore seg fast i, men trufast takkar dei for plassen eg har tildelt dei med fager blomstring.

Så er det denne kombinasjonen her som eg syns er like vakker kvart år. Acer palmatum 'Stella Rossa' og Hosta tardiana halcyon

Til slutt ein eg har vist bilder av mange gongar, det er Hosta 'Remember Me' den syns eg bare er heilt knakande flott!

2011-05-29T12:27:00.006+02:00

Endeleg har eg igjen fått kontakt med min eigen blogg og fått logga meg inn. Nokre dagar no i det siste har bloggtilgangen vore blokkert på eit eller anna vis så ikkje har eg fått logga meg på eigen blogg og heller ikkje fått lagt inn komentarar på andre bloggar. Ikkje var det hjelp i å pønsje inn passordet sitt på nytt heller det virka ikkje/vart ikkje godkjent så då var det bare å håpe at det retta seg med tida.

Parasollblada var store og flotte, men kraftig vind og slagregn har dessverre gjort at dei ser ikkje slik ut lenger. "Skjorteknappane" begynnte blomstringa like før 17. mai og står fortsatt i fin blomst under det misnt 50 år gamle morelltreet.

Aquilegia flabellata nana blomstrar rikt samtidig med auriklane. Auriklane er nesten ferdigblomstra, men akeleia fortset blomstringa ei stund til.

Veiret deen siste tida har vore kaldt og ufyselig og lite innbydande til hagestell. Litt ugrasreinsking har det vorte inni mellom, men eg ligg som vanleg godt på etterskot.

Den fylte soleihoven (Caltha palustris 'Multiplex') blomstra overveldande i vår, men no er den snart heilt avblomstra. Den likar tydeligvis den fuktige og litt kraftige jorda der den er plassert.

Den vesle mini-akeleia Aquilegia canadensis nana passar fint i fjellhagen.

I fjellhagen lyt eg nok til med supleringsplanting då det er ein del som har gått ut iløpet av vinteren.

I woodlandet har det meste klart seg over vinteren og spesielt glad er eg for at denne har klart seg så godt. Acer japonica 'Orange Dream' . Bare litt tilbakefrosen i toppane og det må ein bare reikne med ein slik frostvinter.

Nydelege bladfargar både vår og haust.

Kusymrene har blomstra frå seg for i år. Ofte er dei litt vanskelege å fange rette fargen på, dei har lett for å bli altfor lyse på bilda, men her ser det ut til av eg var heldig med knipset.

Meconopsis quintuplinervia har blomstra ei heil stund og sender stadig ut nye utløparar, her har den selskap med vanleg kvitveis.

Aurikkelblomstringa er på høgda no

2011-05-14T20:06:00.009+02:00

Aurikkelblomstringa har halde på ei stund no og eg går og beundrar dei og snusar inn den deilige lukta frå desse blomstrane som er så vakre. Eg veit ingen blomster som har ei så god lukt som auriklar. Etterkvart har eg opparbeidd meg ei rekke fargevariantar ved plantebytte og mange har eg sådd sjølv både av eigen avl og kjøpte frø. Spennande kvart år å sjå om det er nye variantar som dukkar opp.

Som før fortalt har hjorten teke seg av begrensinga av nye variantar dette året så det er ikkje så mange nyerverv å sjå fram til som eg hadde planlagt, men eg får så på nytt til hausten igjen og håpe det beste. Dei skal eg iallefall prøve å beskytte så godt eg kan mot hjortehordane som heilt sikkert dukkar opp att når kveldane vert mørkare på seinsommaren og utover vinteren.

God helg til alle aurikkelelskarar og alle andre! :)

Årets fyrste Peonen i blomst

2011-05-12T13:13:00.000+02:00

Så er den fyrste peonen i blomst. Eg har mista namnelappen så eg er ikkje sikker på kva det er for ein art, men det er ein frøsådd sak. Truleg er det Paeonia veitchi, men eg er ikkje sikker for denne er bare ca 50 cm høg og den andre eg har som eg veit er P. veitchi er 70 cm høg. Eg veit ikkje om den arten kan variere så mykje i høgde. No er riktignok den lave 4-5 år yngre så det kan no ha litt å seie også. Dessutan syns eg det er litt forskjell i bladverket og, men det og kan ha litt med alder å gjere.

På biletet under ser vi den eg veit er P. veitchi som eg fekk som liten frå Toveve på hagegal for nokre år sidan og den har vakse seg jamt og trutt større og kraftigare for kvart år og i år kan eg telle 32 blomsterknoppar som no er begynnt å vise farge.

I år er det for fyrste gong knopp på Svovelpeonen (P. mlokosewitchi) også, frøsådd og etter det eg har forstått kan den variere litt i farge så den er eg spent på, men det tek ei god stund enno før den viser farge.

Det mest gledelege er at alle peonane eg kjøpte ved Kinaimporten i fjor har klart vinteren og er i god vekst. Dei var litt seine før dei begynte å vegetere så eg var litt i stuss om dei kom igjen i det heile.

Ein annan spennande Peon er den frøsådde trepeonen eg fekk frå Bina på Hagegal for nokre år sidan. Til no har den bare stått der og ikkje blomstra, men i år er det masse knoppar på den. Eg flytta den tidleg i vår og det ser den ut til å ikkje ha teke skade av heldigvis.

Så vil eg vise bilde av den flotte japanske lønnen min med namnet 'Orange Dream' nydelig bladverk både vår og haust.

Her er dei nye blada i ferd med å folde seg ut.....

No er dei pålag fullt utvikla flotte blad og flotte fargar....

Så litt på avstand så ein ser forma på busken. Ein slik lønn får plass sjølv i ein svært liten hage.

Dufta av nyslega plen...

2011-04-29T16:13:00.006+02:00

Idag har eg slege plenen for fyrste gong i år ... å så godt det luktar av nyslege gras og etter den fyrste slåtten er alltid lukta av nyslege plengras den aller beste. Dertil vinsten ved at hagen med eitt ser meir velstelt ut når plenen er klipt (Sjølv om langt ifrå alt er på stell ellers i hagen)!
Ei anna lukt som brer seg er pinsliljene som har slått ut i full blomst iløpet av dagen, ikkje rart så varmt og drivande det er i veiret no om dagen.

Ellers blomstrar mangt og mykje no etterkvart. M.a. Himalayfotblada (Podophyllum), den fylte Soleihoven (Caltha palustris 'Multiplex), Blodrota (Sanguinaria) Tulipa urumiensis, Muscari og mange sortar Narcissar m.m. , men meste stolt er eg av Fritillariaen på bildet under - sådd hausten 2007 og planta under svarthyllen som gjer at den har det nokså tørt etter at lauvet er komme på hyllen, det trur eg er eit lurt trekk samt rikeleg med næring frå tidleg vår. Eg hadde ikkje venta at den skulle komme i blomst enno. Eg har også to andre Fritillaria som står med knoppar frå same årgang.

Ellers blomstrar fleire av auriklane mine og under er nokre av dei som no er i blomst. Det som er mindre kjekt i år når det gjeld auriklar er at "barnehagebedet" der eg hadde alle frøplantane som eg sette ut er herpa av hjorten i løpet av hausten og vinteren. Berre nokre er att der dei var planta resten et borte vekk eller eg finn ein og annan hist og her med inntørka røter på stadar dei "ikkje høyrer heime".

Dei siste dagane har eg omgjort "øvre morelltrebed" til blåveisbed og fått planta ut ein del blåveisplantar som var frøplantar i fjor og året før. Også orkideane Cypripedium og Brudespore (Gymnadenia) har fått plass i det bedet, kalkelskarar som dei er.

Ellers er tida for alt som har overvintra inne som skal ut i friluft igjen. m.a har Apeskrekkplantane mine klart vinteren fint, men må belage seg på fleire år enno i potter før dei er store nok til utplanting på det nye stykket vårt som foreløbig er fullt av kratt av hatl, hegg, lønn, or, bjørk og spisslønn (huff, der har eg ein langvarig og stor jobb å gjære og med min innsats for tida er eg redd det kan ta laaang tid å få rydda området)
Akkurat no er det store kvite tepper av kvitveis på det stykket. Her eit bilde frå nokre dagar sidan.På innefronten vil eg vise fram den flotte Cliviaen min som eg fekk av ein slektning for nokre år sidan. Tidlegare i vår var det masse blomster på den, men kom eg ihug å ta bilder av den då ...?
No kom den med eit lite etterflor og då nytta eg høve til eit bilde av den.

Med dette vil eg ynskje alle ei god helg! :)

Hypertufatrauet mitt

2011-04-25T21:23:00.007+02:00

Hypertufatrauet som eg lagde på kursdet i fjor vår står no i fullt flor no. Dei fleste har overlevd denne kalde vinteren som vart innleia med ein mnd.streng barfrost i november før snødekket kom.

Eg håpar at det som har klart seg vil vokse godt denne sesongen slik at til neste vår vert den enno flottare.

Draba, Primula og Androsace er i blomst....
nens Takløk og sedum gjer seg ofte betre utan blomster....

Hypertufatrauet som eg lagde på kurset i fjor. Eg skal nok lage fleire slike når eg får "ånda" over meg!

I kveld måtte eg bare lage ein prøveblogg for å sjå om eg får alt tilå fungere på den nye PCen min og det ser det ut til at det gjer. :D

Årets fyrste........

2011-04-01T16:58:00.004+02:00

Hepatica x media 'Buis' var raskast i blomst i år - vakker!

Idag har eg putla på med oppreinsking i hagen etter vinteren. Gamalt lauv og fjorårsvekst som skal på komposthaugen vart samla saman og transportert vekk i det fine vårveiret.
Det var ein hærleg følelse å ha jord under neglene igjen etter ein lang vinter og ekstra stas var det at eg hadde ein av dei få dagane med kroppen i nokonlunde form slik at eg fekk utnytte fineveiret til litt våronn.
Blåveisane og krokusane hadde sin fyrste dag med opne blomar og det er ein merkedag kvart år.
I år var det Hepatica x media 'Buis' (over) og H. transsylvanica f. rosea (under) som var fyrst ute med opne blomar, men dei andre er ikkje langt unna heller.

Hepatica transsylvanica f. rosea - rosa Ungarsk blåveis

Krokusar er det fleire sortar og artar som står i blomst -over trur eg det er Crocus tomasianus

Crocus saturnus - ein av dei flottaste krokuane syns eg.

Også påskeliljene er i rute og viser store knoppar no.
Ein utruleg flott dag med god temperatur, sol - iallefall fyrst på dagen, livlig fuglesong i busk og kratt og sannelig surra det ei humle kring meg og - også det den fyrste av året.

Våren er på veg

2011-03-23T18:21:00.009+01:00

Den eldste blåveistua mi av vanleg blåveis Hepatica nobilis har mange knoppar som no kjem litt etterkvart.

Etter å ha vore vekkreiste nokre veker i anledning nytt barnebarn som kom til verda i Valdres. - (ein staut og flott gut) kom vi heimatt til nesten bar mark forrige torsdag og nokre dagar etter var heile hagen snøfri. Snøklokkene stod i fint flor og både det som er gledeleg å sjå og det ein helst ville sleppe å sjå (alt som skal ryddast vekk i beda) kom til synes.

Fredag fekk eg meg ei fin økt og rydda vekk i Peonbedet, der store, svulmande raude knoppar bryt seg opp til lyset og bare ventar på sol og varme.....
Ekstra gledeleg var det óg at trepionen har overlevd denne svært kalde vinteren, som vart innleia med fire veker hard barfrost før snøen kom, står frisk og fin klar til ny dyst. Den MÅ flyttast til ein varig plass denne våren - eg må bare finne ut kvar fyrst...

Vi har hatt to svært så nedbørsrike dagar her i vest no noko dei fleste sikkert har sett i nyhetene, men i går var det lange periodar med opphald og då såg eg meg snitt til å ta med fotoapparatet for å knipse bilder av blåveistuene mine som no står med store knoppar.
Litt sol og varme no så står dei i fullt flor.

Dei ungarske blåveisane er to år gamle i hagen min og her er den fyrste blomstrknoppen i år av den rosa utgåva.

Her er det den kvite sorten ' Weinreichs Weize' som kjem med fleire knoppar.

Her den lyseblå sorten 'Weinreichs Blaue'
- Hjortane som har hatt tilhald her om natta mykje av hausten og vinteren har takka for opphaldet ved å legge att "gjødselkuler" - greit nok, men eg er ikkje verre enn at eg hadde klart å gjødsle beda mine sjølv dersom dei holdt seg i skogen der dei høyrer heime!

Til slutt sorten 'Konny Greenfield' - ein nydeleg flott utgåve av Ungarsk blåveis som eg gled meg til skal openbare seg.

No gjeld det bare at det som er att av vinter ( for den kjem nok heilt sikkert igjen både ein og fleire gongar før han må gje seg) ikkje vert av slikt slag at den gjer skade på dei flotte knoppane som gøymer på så mykje visuell glede.

Endelig eit livsteikn frå Nordåker

2011-02-24T15:00:00.007+01:00

Ja no er det snart to månader sidan sist eg gav lyd i frå meg på bloggen og då syntes eg det var på tide at eg fekk til noko igjen så de ikkje trur eg har avandast...hehe....
Vel, livet går sin gang, men aktiviteten er det mindre med. Nakken har komt seg utruleg bra etter nakkebrotet i haust takka være god oppfølging med fysioterapeut og eigentrening.
Fråvære av energi og dei andre plagene som boreliosen medfører er det verre med......
Legane seier at det det er tida som skal gjere susen no - eg har fått den behandlinga dei KAN gje meg så det så! - Her er det bare å smørje seg med god tolmodighet og gjære det beste ut av det!

Den siste tida har vi hatt eit eventyrleg veir med flott vintersol som blenkjer i bakkane, og med skaresnø er det flott å gå tur på skogsvegen like forbi oss her. Hærleg å komme seg ut på trimtur og nyte den flotte vintersola og få litt ekstra lys i vintermørkret.

Det kalde veiret har gjort at alle fjellskjæringar er rikt dekorerte med isjuklar over alt, kunstnerisk oppbygde på naturen sitt eige vis. Vakkert å sjå på når ein veit at det renn vekk av seg sjølv når veiret tillet det.

Frå skogsvegen er det flott utsikt innover fjorden som slike dagar ligg roleg og fin

Her ser vi fjellet Vindfylla på andre sida av fjorden

Inst i fjordarmen her ligg Nordfjordeid næraste handelsstaden vår når det skal handlast anna enn melk, smør og andre daglegvarer.

Det finst isformasjonar i alle variantar. .... her ein einsleg stav

.... her eit heilt isberg .....

No får eg håpe at eg får til litt oftare innlegg i bloggen min etterkvart enn det har vore i det siste. Etterkvart vårast det no litt etter litt og då vert det meir å skrive om ialle fall sjølv om ikkje aktiviteten her er så stor.
Faktisk så sådde eg ein del staudefrø i forrige veke og fekk satt ut til stratifisering. Det var ein del Clematissortar, nokre liljer og tja...hugsar eg meir då ?
Eg har ein del Meconopsis frø og som skal såast, men dei trur eg at eg ventar med.

Eg trur alle bilda er klikkbare så bare klikk i veg og nyt vinterbilda. ;)

Godt nytt år!

2010-12-31T12:49:00.003+01:00

Eit år går fort og året 2010 er ikkje noko unntak i så måte.
For meg har det vore eit nokså spesielt år ettersom eg har gått sjukmeld sidan august 2009 med diagnosen boreliose (ein bakterie forårsaka av flåttbitt for X antalll år sidan).
Dette fører til mange fysiske plager som energiløyse, mykje verk i kroppen m.m. og tilstanden vart ikkje betre då eg i slutten av september var uheldig å gli på sleipt gras og falle utfor ein liten mur, landa på nakke/skulder med resultat nakkebrot og kompresjon øverst i ryggen.
Eg må seie meg utruleg heldig som slapp frå det med "skrekken" - utruleg heldig er eg som ikkje hamna i rullestol etter nakkebrotet - marginane var på MI side denne gongen.

Hagestell som er ein av dei store hobbyane mine har for det meste lege på vent dette året i påvente av betre tider, noko som speglar seg av i blogginnsatsen min dette året.
Derimot har eg hatt utruleg mykje glede av den andre hobbyen min slektsgransking.
Dessverre fann PC'en min det for godt å ynskje meg god jul med svart skjerm i slutten av november så dei siste vekene har eg hatt ein "lånepc" så både slektsforsking og det meste anna eg vanlegvis fordriv dagane med har måtte ta pause ei stund. Pc'en min er til reparasjon og eg reiknar med at det "bare" skjermen/skjermkortet som har takka for seg så eg ser fram til å få att min eigen pc snart.

Jula har vi tilbrakt roleg i heimen, med mykje god mat og drikke slik skikken er.
Denne jula hadde vi yngste dattera og sambuaren heime, samt den ca 4 mnd gamle katten Ziggy.
Den siste sytte for å skape liv og røre i heimen så tom. katten vår Solo på 8 år tykte det var øye moro å ha julegjestar i hus.

Den uvanleg kalde november og desember har no gått over i mildveir og regn, og skal vi tru meterologen skal det bli høve til å få lufte seg skikkelig iløpet av den siste kvelden dette året.
Eg trur eg skal forholde meg roleg i sofakroken denne kvelden òg - nyte den gode varmen frå kaminen samt god mat og drikke.

Då vil eg ynskje alle eit GODT NYTT ÅR og takke for det gamle som om nokre timar ebbar ut.
Måtte alle mine venner og kjende få eit like harmonisk og fredeleg nytt år som desse to på biletet under!

Her strekkjer Solo og Ziggy ut etter ei runde "stova rundt" i full fræs som oftast endte i ein vennskapleg "brytekamp" under spisebordet.

Druehausten og turgåing

2010-10-11T18:38:00.009+02:00

Litt av utsikta frå "kvilebenken" i Nipsene der mine daglege turar har sitt endepunkt.

No i det siste har vi hatt mange gode stunder med heimelaga druer frå drivhuset. God kvalitet på druene vart det i år i forhold til i fjor då det meste av druene rotna vekk i det svært fuktige veiret vi hadde då.
Den gulgrøne sorten heiter Himrod og er søte og gode dersom dei får henge til dei er godt modne. Problemet er ofte sprekking med påfølgane soppangrep som sprer seg raskt så ein må passe på kvar dag og plukke vekk så snart ein der ei drue som får brunfarge.

Den andre sorten eg har veit eg ikkje namnet på, men det er nok ei typisk vindrue med tjukt skal og inneheld nokså mykje syre og bittersmak. Ikkje alle druene like mykje, nokre kan tom. være nokså gode på smak. Eg for min del held meg til dei gulgrøne ettersom eg får plage med magesyra ved å ete dei blå, men vakre er dei både i skåla og i taket i drivhuset! ;)

Ellers har eg hatt mange fine skogsturar i finveiret i det siste på mi faste rute langs skogsvegen på eit lite stykke av "Nordsjøløypa" som vart opna her i bygda tidlegare i sommar.

Parti frå skogsvegen der eg går tur. Fjellet i bakrunnen heiter Troda (eller Storetroda) og er 954 moh. - eit populært turmål for mange både sommar og vinter.

Langs skogsvegen er det mykje og mangt å studere, som steinar og berg pent dekorerte frå naturen si side med ymse slags mose og lav. Som det berget på bildet over .....

....eller i fuktige grøftekantar der torvmosen lyser mot oss i og er slett ikkje mindre prydeleg enn mange plantar ein plantar i hagen. Likeeins med desse moseartane som veks side om side på bildet under. Den mørk grøne heiter bjørnemose, men den andre arten veit eg ikkje namnet på.
Kansje nokon av lesarane mine kan gje meg eit hint ? ;)

På "endestajonen" på turane mine er det utplassert ein benk i tilknytting til "Nordsjøløypa" og der sit eg og nyt utsikta (det øverste bildet) før eg vender nasa heimover igjen.
Ikkje så veldig lang tur, men lang nok for meg i den situasjon eg er no. Det gjer iallefall godt både for kropp og sjel å gå tur, og godt å ha eit mål for turen.
Også bildet under har eg teke frå der min endestasjon er på dagsturane mine. Vi ser fjorden innover mot Nordfjordeid.

God haustferie til dei som har det denne veka og nyt hausten og fargane dei som har høve til det.

Hoya - Porselensblomst

2010-10-06T07:22:00.005+02:00

Hoya er ei spennande planteslekt der den mest kjende er Hoya carnosa eller Voksblomst som den vert kalla på norsk. Det er lettstelte plantar som tåler godt at eigaren reiser frå dei ei stund eller tillet seg å "gløyme " dei ei stund.
Vi har hatt Hoya i våre glaskarmar i fleire omgangar, men dei vert av og til angripne av ullus og skjoldlus og då ryk dei rett ut om vi ikkje klarar å få bukt med problemet.

No har vi hatt ein art her eit par år som eg trur er ein Hoya carnosa 'Compacta'
Den veks seint, har "skrudde" blad og hadde nok heilt sikkert teke seg bra ut som hengande om den hadde hatt meir enn desse to rankane vårt eksemplar har.
Vi har plassert den i selskap med ei due og der ser den ut til å like seg for no kvitterer den med ein blomsterklase. Godduftande som den er (særleg om kvelden) er det meir enn bare pryd for auga.
I drivhuset har eg hatt ståande ei potte med ein variegert sort av Hoya carnosa, stiklingar tekne frå dattera vår sin plante i Valdres. Ein plante ho fekk av oss for to og eit halvt år sidan då vi var på besøk der.
Den var det no på tide å ta i hus for eg har ikkje varme i drivhuset mitt.
Den er meir av den klatrande sorten når den fyrst kjem i gang og kan etterkvart dekke eit nokså stort areal, eller ein kan lage eit espalier til den og feste den til det - vi får sjå etter kvart som den veks til.

For mange år sidan hadde eg eit flott eksemplar av Hoya bella - liten voksblomst som eg fekk av mormora mi. Den misste eg dessverre under eit stort ullusangrep, men den ynskjer eg meg igjen. Ein virkelig flott Hoya med rik blomstring og godduft som kan fylle eit heilt rom.

Ukjent tre frå Rhodos

2010-09-28T13:12:00.009+02:00

Dette treet har eg fått frå ei hagegalvenn som fortel at frøa var hausta på Rhodos, men vi kjenner ikkje til kva slag tre det dreiar seg om.
Er det nokon som kan identifisere det for oss hadde eg vorte svært glad.
Det ser ut til å være fullt hardført her for eg har overvintra det ubeskytta i potte i kaldt drivhus i to vintrar og den siste vinteren er absolutt noko av det kaldaste vi har hatt på lang tid.

Nydelege haustfargar har det iallefall og vil verte eit flott prydtre med tida, men det hadde vore kjekt å vite kva ein kan forvente seg i høgde, og kva jordforhold osv. det helst likar før ein vel ut vokseplassen.

Resultat:
Då trur eg vi har fått slått fast at treet heiter Koelreutheria paniculata (på dansk Kinesetre)
Dette treet brukte fornemme Kinesiske slekter til prydtre på familiegravplassen sin las eg ein eller anna stad på nettet.
Vert ca 10 m. høgt, trivst best på grusblanda jord og er svært tørketålande.

Takk til Orchis som klarte å overbevise meg om atdet er dette treet (til slutt ;) )

Knall og fall........

2010-09-25T19:55:00.004+02:00

Lange skuggar minner oss om at hausten er kommen og den mest aktive hagesesongen snart er over.

Denne hagesesongen har forøvrig ikkje vore så aktiv for min del pga. boreliosen eg har kjempa med det siste året og no har den fått nok ein stoppar på ubestemt tid.
Årsaka er at eg tysdag gleid på sleipt gras, falt stygt utfor ein meters høg mur, ned i ei veggrøft og slo nakken, armen og skuldra og vart sendt i ambulanse til sykehuset på båre og med nakkekrage. Jau då, på MR og røntgen viste det nakkebrudd, men ikkje brot ellers i kroppen. Men nervebanene i skulder og arm har fått seg skikkelig bank.
Så var det sengeleie og vidare undersøkelsar m.a CT -skanning og bilda vart sendt vidaresendt til ekspertgransking på Haukeland.
På fredag kom svaret tilbake frå Haukeland og då var meldinga: javisst var det brot mellom 6. og 7. nakkevirvel, men brotet var av gamal dato så eg kunne bare ta av kragen og reise heim....... :-O .......
Hæ?????
sa eg, kan ikkje hugse at eg nokon gong har hatt SÅ vondt i nakken at eg kan ha brote den tidlegare i livet...
(Madammen og eg har i etterkant komme fram til at det må være slik at eg i eit tidlegare liv fall utfor ein stad og brakk nakken og då har eg også forklaringa på min høgdeskrekk... ) :))))))

Så sit eg her då kraftig forslått, vondt i nakke, skulder og arm.
venstre peikefinger er nummen og nedsatt kraft i, men eg har full bevegelse i den. Det verste er nervesmerter i venstre armen som plutselig høgg til som knivar og varer frå nokre sekund til nokre minutt og eg veit aldri når dei høgg til. På dei virkar heller ikkje smertestillande så eg får no bare leve med dei til nervane har hela seg sjølv. Det gjer dei visstnok kansje om nokre dagar, men det kan og ta inntil nokre månader før alt er normalt igjen, sa legen.Ja ja, når fyrst uhellet var ute så var eg kjempeheldig tross alt. Det kunne lett vorte skikkelig fatalt fall denne gongen. Så kan ein seie at det var ikkje lurt å gå der akkurat då det var SÅ sleipt og glatt, eller at eg burde hatt andre sko på meg osv.... men det er ALTID lettast å sjå i etterpå-klokskapens lys.

No har vi fått att fineveiret og det skal visstnok vare ei heil veke fram i tid så eg får prøve å "nyte" rekonvalesensen til å nyte haustsola med å gå små turar så ofte eg orkar i nærmiljøet, men eg kjem nok til å halde meg stortsett til vegar med fast dekke eller grus den næraste tida.

God helg til alle og pass dåkke på haustlege sleipe og glatte underlag.

Plantepakkar

2010-09-11T15:38:00.010+02:00

Ein vakker haustkveld forleden tok eg dette bildet frå verandaen vår.
Fjorden ligg still og fin og i botnen der inne er Nordfjordeid det næraste handelssenteret vårt.

Dei to siste dagane har eg fått eit par plantepakkar i posten.
Den fyrste, ein såkalla "Konkel-pakke" fekk eg i går som inneheldt 11 auriklar.
Dei fleste lurer vel på namnet Konkel, men dei fleste hagegale veit at det er ein signatur på nettstaden hagegal som er kjend for auriklane sine.
Sidan auriklar er ein av mine "samleplantar" ser eg fram til at desse skal blomstre til våren eller neste haust. Kansje der er spennnade, for meg nye sortar ?
Eg ventar nokre dagar med å plante dei sidan det er nokså tørt her hos oss no etter halvanna veke med sol og varme. No har veiret skift og det har så smått begynt å drype frå oven og meir skal visstnok komme kommande veke og det gjer godt for hagen iallefall.

Idag kom det pakke med 6 Peonar frå Kina etter mellomlanding og ompakking i Rogaland.
Eg har vore med på ein "fellesimport" ilag med andre "hagegale" frå heile landet.
Også desse plantane skal få vente litt til jordsmonnet vert høveleg vatna frå "overgartnaren" si side før eg plantar dei i Peonbedet mitt.

Dei kinesiske peonane var merka med kinesiske namn som 'Yang Fei Chu Yu' - på engelsk har den fått namnet 'Lady after Shower' - ein annan heiter ' Lan Tian Piao Xiang' og det engelske namnet 'Fragance Filling the Blue Sky' gjev meg iallefall forståelige assosiasjonar til velduftande sommarkveldar når peonbedet står i fullt flor. Om to eller tre år håpar eg at desse kjem i blomst og fyller hagen med velduft og vakker blomstring.
Dei fire andre peonane har namna (engelsk namn i parantes):
Zi Feng Yu (Margenta Phoenix Feather)
Huang Jin Lun ( Golden Wheel)
Mo Zi Han Jin (Gold in Black)
Lian Tai ( Budda Lotus Seat)

God helg til alle ! :)

Blomstring pr. 1. September, del 2

2010-09-08T06:08:00.006+02:00

Ligularia dentata - Nøkketunge blomstrar fint enno. Ei forholdsvis stor staude eg vert meir og meir glad i.

Platycodon grandiflorus - Flatklokke lyser fint opp i fjellhagen no. I år trudde eg den var stein død ettersom det gjekk svært lenge før den dukka opp etter vinteren, men dei kjøttfulle røtene hadde kom omsider med ny vekstkraft og no blomstrar den flott. Denne vakre stauda finst forutan i ymse blå valørar også i rosa og kvit. Eg har bare denne foreløbig.

Sedum 'Bertram Anderson' har begynnt å bli vakker no - ein av favorittane mine blandt mange flotte sedumar.

Sedum kamtschaticum - Gullbergknapp har blomstra lenge og er no på slutten denne sesongen, men den avsluttar med stil syns eg.

Hylotelephium spectabile - Oktoberbergknapp har så vidt og begynnt å vise farge. Denne har eg fleire stadar i fjellhagen min og er ein flott fargeklatt på slutten av sesongen.

Gentiana septemfida - Frynsesøte stammar frå fjellslettene og granskogane i Tyrkia, Kaukasus og Iran, men trivst godt her hos oss og. Mitt eksemplar har nok fått for lite næring der den veks i fjellhagen min noko eg må gjere noko med til neste år.

Leontopodium alpinum - Edelweiss kjem frå kalkrike alpine områder i Europa og Asia. Hos meg sjølvsår den seg så eg må passe på å skjære vekk frøstandane om eg ikkje vil ha dne spreidd i fjellhagen min.

Blandt dei vanlegaste og sikraste haustblomstrande er haustfloks - Phlox paniculata - Eg har vore mykje plaga av at dei får mjøldogg så eg hadde kutta ut denne plantenfor nokre år sidan, men denne sorten ser ut til å være bra tolerant.

Solbrud - Helenium x hybridum finst det mange sortar av. Eg har mista merkelappen til denne så eg veit ikkje eksakt kva sort dett er , men fin er den.

Blomstring pr. 1. September

2010-09-02T19:23:00.008+02:00

September

No har vi passert nok ein milepel dette året også - vi er kome til fyrste haustmånaden. Sommaren er definitivt over sjølv om meterologane spår godveir så langt auga kan sjå inn i den gåtefulle kula deira . Det går uvilkårleg mot den mørke årstid enten vi vil det eller ikkje og det merkast godt om kvelden. Doggfallet om natta er stor - nesten så ein trur det har regna med natta og det går langt på dag før plenen er så tørr at det er forsøket verdt å ta ut klipparen. Men framleis er det mykje og mangt som blomstrar og gjev liv og farge i hagen.
I to innlegg vil eg presentere noko av det som blomstrar i min hage dette månadskiftet.

Her er det Lonicera 'Serotina' som eg syns er ein av dei finaste slyngkaprifoliane, bare synd den ikkje duftar like mykje som vår viltvoksande vivendel.

Buddleja davidii - Sommarfuglbuska har sitt høgdepunkt nett no. Denne buska som har slik tiltrekningskraft på sommarfuglar, enkelte år svermar det rundt buska i blomstringstida av admiralar og andre fargerike, flotte skapningar. Denne sorten heiter 'Il de France'

Denne sorten som er litt meir raudfiolett heiter 'Royal Red' og har litt kraftigare vekst enn 'Il de France'

Alcea rugosa er ei vakker, høg staude - hos meg godt over 2 meter som ber rikeleg med svovelgule enkle blomster.

Clematisane er også i blomst enno - iallefall 'The President' og ......

.... ' Blue Light' - den siste kjøpte eg billeg på eit haustsalg for mange år sidan. Han kom opp våren etter, men visna nokså raskt nedatt av visnesykja. Eg klipte den ned og reikna ikkje med å sjå den att, men plassen den stod på vart ståande sommaren etter utan å bli planta på nytt. Våren etter kom det spirer på nytt frå rota som hadde overlevd i "dvale" halvanna år så eg har lært meg at Clematis som bukkar under av visnesykja skal ein ikkj gje opp sånn utan vidare.
Det må òg seiast at eg har også erfart det motsatte.

Plantar kan være vakre om dei ikkje blomstrar og. Her er det ein frøstand av Paeonia suffruticosa - er ikkje den like vakker som ein blomst kansje ? - I allefall er den dekorativ der den står og vitnar om ein blomst som var.....

Mange japanske lønn har ein særs fin farge og bladform - denne heiter Acer palmatum 'Stella Rosea'

Og til slutt viser eg blada av Heuchera 'Dale's Strain' - nydelig mønster i blada - den vakraste av Heucheraene etter min smak og veldig anvendelig i oppsatsar og bukettar.

Award - ei utfordring på ymse vis

2010-08-29T19:37:00.014+02:00

Eg har fått award frå New Dawn i bloggen hennar - Tusen takk New Dawn for utmerkinga! :)
http://newdawnsinhagedagbok.blogspot.com/
Med awarden følgde ei utfordring som består av 7 ting eg skal fortelje om meg sjølv. Ikkje enkelt akkurat å velje alle punkta eg vil ta med, men eg let det stå til.

1. Den hagegale
Eg er fullstendig hagegal, noko dei fleste sikkert veit frå før, men det er ikkje nokon heilhetleg hage eg har. Som plantesamlar flest er beplantninga i hagen min "alt mulig" og ingen store parti med eins farge eller form. For meg er det mest interessant å få til den og den plantearten, så for meir strukturerte hagefolk fortonar sikkert hagen min seg som eit sant kaos.... LOL

2. Slektsforskaren
Den andre store hobbyen min er skektsgransking som eg har halde på med sidan 13-14 års alderen. Det starta med å spørje ut slektningar, lån av bygdebøker og slektsbøker som sirlig vart avskrivne og samla i ringpermar. Etter at dataalderen kom inn i livet mitt er eg begynnt å legge desse opplysningane eg har samla inn i slektsprogrammet EMBLA. Dette tek tid for kvar person vert sjekka i kjeldene frå dåp til gravferd og kjeldehenvisningar skal med i databasen - eit tidkrevande, men svært så spennande arbeid. Det dukkar stadig opp fleire personar i mange familiar enn det bygdebøker og andre slektsbøker har fanga opp og ikkje alle opplysningar i desse bøkene er alltid pålitelege heller. Ofte må det både sjekkast og trippelsjekkast før ein kan være sikker på at dei opplysningane ein har om ein person er korrekte og mitt mål er at alle dei opplysningane eg har i databasen min skal være korrekte så langt det let seg gjere.
Bildet under er av to av mine tippoldeforeldrer.

3. Diktaren
Sidan ungdomsåra har eg hatt moro av å skrive dikt. Det meste av dei hamnar i mitt "private arkiv". Av og til kjem nokre av skriveria mine ut i offentligheta i form av dikt til 17. mai, bygdakvelden eller andre arrangement og private samankomstar.
Eg skriv for det meste for å more meg sjølv eller feste til papiret enkelte tankar og meiningar eg har, men kan det more andre òg er det ein ekstra bonus. Dei seinare åra har det vorte lenger og lenger mellom kvar gong det renn noko ut av pennen ser det ut for - det kjem iallefall periodevis.

4. Litteratur
Skal eg lese noko vert det oftast "faglitteratur" som hagebøker og -blad eller stoff med lokalhistorisk eller slektshistorisk tilsnitt.
Dessutan er eg glad i historisk baserte romanar, gjerne bygderomanar og naturskildringar. Særleg er eg glad i bøkene til Mikkjel Fønhus som eg las opptil fleire gongar i ungdommen.
Av diktarane våre er det Jakob Sande som står høgast i kurs hos meg, men når eg nemner Sande må eg og ta med dei pålangt nær så kjende novellene hans som er fullt på høgde med det andre han produserte. Han var ein meister med pennen! ;)

Jakob Sande's "Dikt i samling" og "Noveller i samling"

5. Bærplukkaren
Den beste ferien eg får er når eg tek med meg bærspannet og stryk til skogs etter bæra. Då kosar eg meg skikkeleg. Eg likar helst å gå åleine på desse turane for då styrer eg vegen, tida og tankane mine sjølv. Eg kan setje meg ned og la blikket glide langs strendene og bygdene innetter fjorden eller studere dyre- og plantelivet som ein del av naturopplevinga på desse turane. Det er balsam for sjel og kropp.

6. Reise
Å reise har eg aldri vore glad i, heller ikkje å køyre bil.
Bilen er ei nødvendighet for å komme seg frå A til B, men heller ikkje noko meir for meg.
Eg har imidlertid eit stort ynskje for framtida når det gjeld reise, nemleg ein gong å reise med hurtigruta langs kysten nordover for å sjå og oppleve Nordlandskysten og mange av dei stadane mine forfedre har levd sine liv langs kysten.

7. Høgderedd
Til slutt må eg komme med ei bekjenning.
Eg er nemleg høgderedd. Det er ikkje høgt eg skal klatre før det syg skikkeleg i magen og eg vert mo i knea. No har eg fått velvillige fam. medlemmer til å male huset i den høge nordaustramen.
Det ser ikkje ut til at det gjer dei noko å spankulere på stillaset der det øvste platået er 8,35 over bakken. No er veggen nedskrapt, vaska og grunna og enkelte bord og vindskeier er skifta, så skal den malast ut i veka som kjem.

Så er det dei eg vil utfordre til å ta stafetten vidare:

http://marianns08.blogspot.com/ Sunnmørshagen min

http://randifsinvestlandshage.blogspot.com/ RandiF sin vestlandshage

http://heimdalhagen.blogspot.com/ Heimdal

http://mittlillerom.blogspot.com/ Mitt lille rom

http://sommerhagen.blogspot.com/ Vår svenske sommerhage

http://heltpajordet.blogspot.com/ Helt på jordet

http://maritshagedagbok.blogspot.com/ Marits hagedagbok

På fangst i Valdres

2010-08-11T22:02:00.003+02:00

For dei som køyrer i nærleiken av Fagernes er det vel verdt å stoppe hos Botanic Hagesenter like utanfor Fagernes sentrum slik eg gjorde i forrige veke då vi var nokre dagar hos dattera vår m. fam. på Skammestein.
Det var eit imponerande utvalg av stauder dei har i sortementet,. I følge ho som ekspederte meg hadde dei ca 1200 forskjellige staudesortar og deriblandt ca 30 forskjellige takløk.
Trur eg kunne ha gått der og trakka og studert i timevis om eg hadde anledning.
Til neste år har dei planar om å lage seg fjellhage-demosntrasjonsfelt så då vert det ekstra spennande å ta turen innom for å sjå den.

Sjølvsagt var det med ein god del stauder heimatt til Nordåker som ventar på å få ein plass å bli planta. Kvar eg skal plante dei er ei anna sak - det vil tida vise, foreløbig har eg ikkje klar planteplass til dei så dei vert nok sette på vent ilag med eit x antall andre stauder (det meste heimelaga og bytteplantar) eg har ståande på vent frå før.

Det eg kjøpte med meg var:
-Primula 'Francesca' - stooor utgåve som kan delast i mange
-Primula vulgaris 'Ken Deaman'
-Meconopsis nepaulensis
-Rodgersia pinnata 'Fireworks'
-Erodium variable 'Roseum'
-Azorella trifurcata
-Aethionema armenum 'Warley Rose'
-Sedum cyaneum 'Rosenteppich'
-Sedum cauticola 'Lidaense'
-Sempervivum arachnoides 'Rubrum'
-Sempervivum ciliosum var borsii
-Sempervivum 'Commander Hay'
-Sempervivum 'Red King'
- Sempervivum 'Red Ace'

Blomstring pr. 1. August 2010, del 3

2010-08-05T11:50:00.010+02:00

Rosa helenae 'Hybrida' er ei nydelig rose med god duft som brer seg i hagen i desse dagar.

'Symphatie' klatrar i armeringsnettet.

'Golden Showers' - ei flott klatrerose.

e'Dronningen af Danmark'
.Her er det "Eikefjordrosa" som eg har omtala før i bloggen min. Ukjent sort, men eit klenodium som har ein særeigen betydning i hagen min ettersom den kjem frå kona mi sine besteforeldre sin hage som ikkje lenger er i familien. Den vekker mange gode minner.
Dessverre har den lett for å få roserust og ofte vert blomstringa øydelagt av mykje regn som den tåler dårlig.

'Rose de Rescht' ein gamal og god sort som finst i mange hagar - denne fekk mor mi med seg frå sin barndomsheim og eg har fått den vidare til min hage.

Liljene er midt i den flottaste blomstringstida og her er nokre av dei :
Lilium pardalinum er eit fyrverkeri av fargar i raudt, orange, gult og brunt som ikkje kjem så godt fram på bildet her pga. lysforholda. Skal prøve å ta eit betre bilde av den når eg kjem heim - den fortenar det! ;)

'Pink Perfection' er ei nydelig lilje, syns det gulgrøne svelget gjer denne lilja til noko spesielt.

'Madame Butterfly' blomstrar rikt og sprer godlukt.

'TomPouce' luktar ikkje, men er ei flott liljelikevel.

'Schocking' har nokså store blomster og er ei flott lilje.

Lilium tigrinum splendens - eg likar spesielt godt kombinasjonen av varm gulorange og brunt. Dette er ei av dei flottaste variantane av tigerliljene syns eg.

Blomstringa er den ferdig med, men druene veks i klasane. Håpar på at det vert betre veir under modninga denne hausten enn i fjor då soppangrep øydela det meste av druene i ròteveiret vi hadde då!

Blomstring pr. 1. August 2010, del 2

2010-08-03T21:43:00.007+02:00

Primula capitata blomstrar fint no. Dette er ein lettstelt Primula som ser ut til å trivast i skuggen under det store morelltreet.

Her er ein annan Primula som blomstrar no, heile 80 cm høg . Nett no står det heilt stilt ang. namn.

Akeleiene er for det meste ferdig med hovudfloret, og nokre av dei vil eg samle litt frø av så difor har eg laga "posar" av agrylduk som skal samle opp frøa slik at dei ikkje hamnar i bedet og sår seg til våren.

Her er to verdige representantar av Geraniumslekta - Storkenebb som veks og blomstrar villig i woodlandspartiet.

Dette er ei busk som heiter leucesteria formosa og som andre delen av namnet seier er den opprinnelig frå Japan . Den frys ofte tilbake ein del om vinteren og det gjorde den denne vinteren og på det som var over snødekket, men kjem fint tilbake likevel.

Digitalis 'Elsie Kelsie' - ein flott representant blandt revebjøllene.

Digitalis ferruguinea - Rustrevebjølle er fin med dei små blomane. heilt forskjellig frå 'Elsie Kelsie' men likevel ser vi likskapen.

Veronica syns eg har stilige og flotte blomsterstandar, bak ser vi ein sibiriris, såvidt i ein Ligularia og th. skimtar vi det bronsefarga graset Carex comans 'Bronze Form'.

Dette innlegget vil eg avslutte med eit bilde av ein av bjørkestubbane mine med Krypfredlaus (Lysimachia nummularis) . For nokre år sidan fekk eg to innhole bjørkestubbar hos ein av bøndene eg jobbar for som avløysar, fyllte dei med jord og planta i dei. På den måten kan eg ha Krypfredlaus utan at den brer seg utover heile hagen. Ut på hausten er dei to bjørkekubbane flotte med lange greiner hengande nedover.

Blomstring pr. 1. August 2010

2010-08-02T12:15:00.015+02:00

Startar med den flottaste eg har i hagen for tida Ligularia 'Britt-Marie Crawford' - ei kjempeflott nøkketunge med DEN kombinasjonen av mørke blad og gule blomster.... ååååååååååååååååhhh!

****** ***** *****

No har eg forflytta meg frå Nordfjord til Valdres for nokre dagars tid.
Eldste dattera og gutungen Sander (2) har vore på Davikbesøk ei vekes tid og no er det vår tur å være i Valdres på besøk.
Før vi reiste tok eg bilder av det meste som blomstra i hagen heime på laurdag som eg vil presentere i ein biletserie her slik eg har gjort dei forrige månadskifta tidlegare i år.
Alle bilda er klikkbare og alle er tekne laurdag 31. juli

Ridderspore har eg alltid hatt litt vanskar med å få til å blomstre rikt, men i år slo dei til, litt av dei vart vindens rov, men nokre av stilkane klarte seg bra.

Eit lite parti frå fjellhagen som viser Smørbukk (Sedum telephium), Engnellik ( Dianthus deltoides 'Brilliant') og Alpeaster (Aster alpinum) og bakerst ein Geum

Her er ein anna Engnellik 'Artic Fire'

Rudbeckia vert ei stor og kraftig staude og kombinasjonen av gult og brunt har alltid tiltalt meg. Eg er vel kansje ein av dei sjeldne hageentusiastane som elskar gule blomster.....
T.h. ser vi Pulmonaria saccharata - Flekklungeurt med flotte sølvspettar på blada.

Her eit parti frå woodlandsbeplantinga mi. Her ser vi Ligularia przewalskii (Aksnøkketunge), Rudbeckia og eit par purpurblada japanske lønn.

Sedum er ein lettstelt og fin plante til steinbed og murkantar, dekorative

Mjødurten (Fillipendula) er no på det finaste - eigentleg syns eg at den er aller finast i knopp som ser ut som ein bukett med små rosa perler (biletet under)

Pionane fekk hardhendt behandling midt i blomstringa denne sommaren, fyrst var det kraftig vind og seinare nokrså mykje nedbør som gjorde at dei såg heller trasige ut. Saksa måtte fram og visne og halvrotne blomster blei "kompostmat" . Nokre få knoppar var att som kom etter at regnet hadde gjett seg. Vi får håpe på meir "pionvenleg" veir til neste år.

Queen Elisabeth har nettopp begynt å blomstre og i år har dei virkelig mange knoppar. Denne rosa er minst 40 år gamal i denne hagen - ein etterlevning etter dei forrige bebuarane i hagen vår og i mi tid har den måtte finne seg i flytting iallefall to gongar. Der den står no ser den ut til å trivast veldig godt så det spørs om den skal få stå der "til evig tid". Lilja 'Enchantment' er eigentleg madammen sin - ei gåve ho fekk som pottelilje for 10 år sidan og sidan har den blomstra trufast kvart år.

Eg har fleire bilder av dei blomstrande i hagen så eg kjem som vanleg att med fortsettelsen om ein dag eller to.

"Frøken Langflat"

2010-07-13T11:44:00.007+02:00

På ein slik dag med tungt skoddedekke og regn er hagelivet ikkje mykje å by på - ikkje er det malingsveir heller (skulle ha malt rekkverket på verandaen) so får ein finne på andre syslar ettersom kroppen heller ikkje likar seg slike dagar :(
Hagen ser plutselig noko "forfallen ut" sidan "alt ligg langflatt" etter den kraftige vinden mandag kveld og natt til i går. ..... nei SÅ gale er det ikkje, men dei høge staudene fekk hard medfart i vinden og mykje er avbrekt til tross for oppbinding.
Gullregnen er litt skeiv etter medfarten og hadde det ikkje vore for tøtteverk og gummistropper (ei av dei rauk i vinden) hadde nok den lagt seg heilt over.

Slike dagar er det ein kosar seg innandørs med god musikk og andre gjeremål - så kom eg på at litt " haging" er likevel ikkje av vegen ein slik dag òg, då vert det å bruke noko av alt det som "ligg langflatt" ute i hagen til oppmuntring for auge og sinn innandørs.

I denne oppsatsen har eg brukt blad og blomst av Heuchera 'Dale's Strain', Hosta 'Halycon', Grasløk, Aquilegia canadensis, Astrantia 'Lars', Physiocarpus 'Diablo', Stormarihand, Hagedjevel (Skvalderkål) og to sortar Klematis.

Så oppdaga eg at hagebloggen " Moseplassen" utlyste ein konkurranse i bruk av avskorne blomster - som ho kalla "Frøken snitt 2010" http://moseplassen.com/2010/07/froken-snitt-2010-konkurranseutlysning/ og der melder eg meg herved på.

Ha ein fin Julidag alle enten sola skin eller skodda stengjer. ;)

Fem vakre

2010-07-10T12:37:00.006+02:00

Blandt hagebloggarane går det ei oppfordring for tida om å vise dei fem vakraste ein har i hagen nett no. Eg har med vilje ikkje brukt uttrykket "dei fem vakraste" men brukar "Fem vakre" i bloggtittelen fordi eg ser det som umulig å plukke ut fem som skal være dei fem vakraste nett no. Det er så mange som er vakre, både blomstrande og ikkje blomstrande og kritiriet for kva som er vakkert er ikkje lett å definere - det meste er vakkert kvar på sitt vis ( t.o.m dei kvite blomane til hagedjevelen (skvalderkålen) !!!

Physocarpus 'Diablo' - Rødblada blærespirea er vakker, men aller vakrast er den i knopp syns eg.

Sølvbergkanpp - Sedum spathulifolium likar eg meir og meir både med og utan blomster.

Martagonliljene er ein av favorittane mine - desse her stammar truleg frå den gamle pestegardshagen i bygda. Eg fekk i si tid løkar av ei eldre dame som hadde funne dei i ei grov like utanfor sitt hagegjerde som vart bygd på tidlegare prestegardsjord.

Kombinasjonen Løytnantshjerter og Stormarikåpe har alltid tiltalt meg på denne tida.

Til sist, men ikkje mist vil eg presentere "Eikefjordrosa" -ei rose eg ikkje veit namnet på som stammar frå madammen sine besteforeldre sin hage i Eikefjorden, truleg planta der ein gong mellom 1935 og 1955. Eingongsblomstrande, utsett for roserust og masse små torner på greinene. Idag opna ho den fyrste blomen for i år, og du for ei DUFT !!!!
Denne har ein heilt spesiell status i hagen min - roser er ikkje min store favoritt, men denne er ein av dei store favorittane i hagen min av fleire årsaker.

****** ****** *********
...."Vent, vent... remember me !!!"... er det ein som ropar...
Ja det er nettopp det den heiter denne Hostaen.
Hosta 'Remember Me' - den vakraste av alle Hosta syns eg, og eg klarte ikkje å fullføre dette blogginlegget utan å ta den med som den sjette og siste av "Fem vakre".

God helg til alle og nyt alt det vakre ute i hagen! :)

Blomstring 1. Juli 2010 - del 4

2010-07-08T08:18:00.007+02:00

Japanprimula - primula japonica finst i fleire fargar - her er to av dei.

Primula heucherifolia trivst godt ilag med Rhododendronen

Primula elatior-hybridane har halde det gåande lenge i år - denne er den siste i denne omgang. Håpar det vert eit bra flor til hausten og.

Den blå Valmuesøstera - Meconopsis ' Lingholm' har eit vakkert fargespel i blått

Dette bildet syns eg var artig...

Den kvite valmuesøstera står også i full blom - vakker!

Kanelbusk - Calycanthus floridus har fått namnet sitt fordi den har ei karakteristisk kanellukt av barken og har visst vorte brukt som kanelerstatning i tidlegare tider. Dei spesielle blomstrane er stive, nesten som kongleskjell. Ei veldig spesiell busk som kjem frå Nord-Amerika. Denne sådde eg for mange år sidan.

Denne hageazaeaen heiter 'Golden Eagle'

Fylt Soleiebusk - Kerria japonica ' Flore Plena' blomstrar rikt no.

Tilslutt eit bilde av druene som er i rask utvikling no. Som vanleg har eg tynna ut så omlag halvparten av klasane sit att. Aller helst skulle eg ha tynna i klasane òg, men det er eit tolmodighetsarbeid.

Med dette set eg punktum for blomstringsserien denne månaden.

Blomstring 1. Juli 2010 - del 3

2010-07-07T07:42:00.006+02:00

Denne sibiririsen er både vakker og høgreist. I forgårs var det nokså mykje vind her og då låg den som ei spreidd vifte utover.

Orkideen Skogmarihand (Dactylhoriza fuchsii) er eit flott innslag og har blomstra ei god stund no. Den ser ut til å trivast i hagen og, men i år kom det bare ein blomster. Skal tru om det er den kalde vinteren eller Campanuaen ved sida av som er vorten for nærgåande som er årsaka?

Flekkmarihand (Dactylhoriza maculata) blomstrar også flott no. Ikkje langt frå hagen min veks dei i store mengder i gamle slåtteenger.

Blå fjellflokk (Polemonim caerulea) blomstrar rikt no. Desse må eg være påpasselig og klippe bort avblomstra blomsterstandar ellersd vert det fort mange - altfor mange småbarn rundt i beda. Eit nytt flor seinare i sesongen er belønninga for jobben.

Her er det den kvite sorten som står i fullt flor.

Denne Verbascum en får rå grunnen her før riddersporane i bakgrunnen tek over.

Pinsenellik (Dianthus gratianopolitanus) er vakker og sprer godduft der han veks på murkanten langs inngangsvegen til huset. Dette er sorten 'Aslaug Weydal'

Her er det Astrantia 'Lars' som blomstrar - i bakgrunnen ser vi den mørkblada Ligularia 'Brit-Marie Crawford', ein kvit Geranium - trur det er phaeum 'Alba' og bak Astrantiaen ser vi Podophyllum hexandreum.

Japansk Iris ( Iris ensata) er villig og blomsterrik og klarar seg godt i vanleg hagejord. Her er det 'Moniques Child' .

Akeleiefrøstjerne (Thalictrum aquilegifolia) er ei av dei høge staudene som eg set mest pris på.

Den gule daglilja (Hemerocallis flava / H. lilioasphodelus) er ein "arv" frå dei som hadde hage før oss. Den kjem trufast att år etter år og har truleg vore i hagen her i snart 50 år.

Pyrinèerlilja ( Lilium pyrenaicum) er ein av dei eg har fått som "arv" i familien. Denne vaks i hagen der mor mi vaks opp på ei øy sørvest for Florø. Den står no i full blomst og sprer god duft nesten over heile hagen.

Her er eit nærbilde av blomsten - flotte sjokoladebrune teikningar mot det gulgrøne - vakkert syns eg!

Blomstring 1. Juli 2010 - del 2

2010-07-05T08:40:00.008+02:00

Då er det vel på tide å presentere fleire av dei som blomstrar i hagen min i månadskiftet juni-Juli.
Idag er det regn og vind og vaselet går ut på storm ved Stadt, men eg håpar at vi ligg litt meir i ly eit stykke inne i fjorden. Kraftig vind no vil bety myje brekk og skade på ein del av hagen sine bebuarar.

Klosterpionen er vel sjølve symbolet på høgsommarblomstringa. Her er det 'Rosea Plena' som har kledt seg i sin flottaste stas. Snart kjem silkepionane etter dei står fulle av knoppar og bare gjer seg klar til å opne showet.

"Tvillingsystera" 'Rosea Plena' er også flott med sine store fylte blomster.

Lupinane som etterkvart er vorte svartelista skal få eksistere i min hage. Dei er flotte der dei står. Om ein klipper bort frøstandane så snart dei er avblomstra kjem dei att med eit nytt, men bergensa flor seinare og ein slepp at dei sjølvsårseg og spreier seg der ein ikkje vil ha dei.

Den vanlege syrinen - Syringa vulgaris er eit sjølvsagt innslag i ein vestlandsk hage- no er det meste av blomstringa over for den og.

Vanlege revebjøller - Digitalis purpurea er noko av det flottaste naturen byr på og nettopp den er Sogn og Fjordane sin fylkesblomst. Skikkelig flotte i flokk, men veldig dyktige å så seg samtidig som dei er noko av det lettste å luke når dei dukkar opp.

Dagfiol - Hesperis matronalis er også høgsommarstaude - eller den er vel eigentleg toårig, men overlever mange år dersom ein passar på å fjerne frøstandane. Dufta av denne er nydelig på kveldstid.

Geranium iberica 'Vital' får representere dei mange Geraniumane som blomstrar no framover.

Kvit akeleie og den mørkblada Stivklematis -Clematis recta 'Purpurea' framhevar og kler kvarandre.

Iris germanica utan namn

Og til slutt ei akeleie utan namn - flotte er dei!

Blomstring 1. Juli 2010 - del 1

2010-07-02T21:33:00.005+02:00

Juli månad er godt i gang og det meste av vår- og forsommerblomstringa er over. No overtek etterkvart midtsommarsblomstringa showet og overalt veks det så det knakar ikkje minst ugraset. Her ved fontena har eg planta ein Hosta 'Patriot' på kvar side og på eine sida planta eg hin dagen rhizom av lys blå kvitveis på høgre sida. Desse fekk eg av ei gavmild dame på Eid.
Eg kjøpte meg ein Cotoneaster praecox som var poda på Sorbus x hybrida på hagesenteret på Eid for gåvekort eg fekk til gebursdagen i vinter den vart plassert til venstre for biletkanten mellom fontena og Buddleja 'Royal Red'.

Dei tre neste bileta syner parti frå fjellhagen. Bilda er tekne idag og alle er klikkbare.

Biletet under er teke frå sitjeplassen vår. Til venstre skimtar vi Peonbedet, det gule midt i er Stormarikåpe (Alchemilla mollis), så ser vi m.a. vanleg syren og midt imot "Langbedet" der eg har Sibiriris, løytnantshjerter, fjellflokk (Polemonium) og Dagfiol (Hesperis matronalis)

Her kjem det nokre bilder frå det eg kallar woodlandet.
På fyrste under ser vi m.a. Acer palmatum *Stella Rossa', Hosta halycon, grasløk og ein Geranium.

Her har vi Acer shirasawanum aurea som vistnok skal kallast Måneskinslønn på norsk. Oppe i midten ser vi dei store blada til Dermera peltata, Geranium ibericum 'Vital' og Primula japonica -Japanprimula. Framme i høgre hjørnet er Primula chungensis som no er avblomstra og frøveksten er igang og til høgre ein Geranium.

Det siste biletet idag syner litt av "Langbedet " (th.) og "Øvre morelltrebed" (tv. ) Ein gullregnklase heng der og - den er på retur no, i år var det ikkje så rik blomstring på gullregnen som i fjor.

God helg til alle hagevenner landet rundt! :)

Meconopsis betonicifolia 'Lingholm' - Blå Valmuesøster

2010-06-16T17:37:00.006+02:00

Sjå kor flott den er! :)

Stor var skuffelsen i vår då eg oppdaga at den blå valmuesøstera mi var daua etter vinteren. Bare tilsynelatande rotne plantedelar var igjen der den har stått dei siste tre åra.
Då eg var med Vågsøy Hagelag på tur til Ålesund i mai kjøpte eg meg ei ny valmuesøster på Viddal Gartneri i Spjelkavik, denne gong av typen 'Lingholm'

'Lingholm' er etter det eg forstår eit samlebegrep av fleire svært like variantar av Meconopsis betonicifolia - altså ikkje den reine arten og heller ikkje ein spesifik sort.

Hos meg har iallefall denne 'Lingholm' større blomster enn den eg hadde frå før som skulle være den reine arten M. betonicifolia.
Meconopsis betonicifolia veks vill i Tibet, vestre delar av Kina (Himalaya) og i Burma .
Den trivst best på næringsrik, lett fuktig jord i halvskugge. Om den står i full sol kan det bli for varmt for den og den vantrivst. Hos meg står den stort sett i skugge til ut på ettermiddagen så den får bar eit par timar sol og ser ut til å trivsat med det.
Eg har også kvit Valmuesøster (M. betonicifolia 'Alba') som kjem i blomst om nokre dagar den har to eller tre knoppar i år.

Stor var gleda idag så eg oppdaga små spirer frå der rota til den gamle valmuesøtra mi stod, den eg trudde var død iløpet av vinteren. Då er det håp om at den òg blomstrar til neste år dersom den veks godt iløpet av sommaren og står over neste vinter.

Peonblomstringa er igang

2010-06-14T08:41:00.005+02:00

På laurdag starta Peonblomstringa i hagen min og fyrst ute er denne eg fekk frå Tove i 2007, som eg trur er ein Paeonia veitchii. (Korriger meg om det er feil! )
I år har den 20 blomsterknoppar.

P. veitchii stammar frå Kina og finst som denne med enkle blomster, halvfylte blomster og fylte blomster i fargane kvit , rosa, margenta og raud i ymse variantar. I tillegg har det eit vakkert bladverk - idet heile ein Peon det er lett å bli glad i.

Eg har samla Peonane mine i eit opphøgd bed. Ved planting spanderer eg på dei ein neve beinmjøl og eit godt lag hønsegjødselkompost i botnen av hola og minst 50 cm djupt plantehol og det ser det ut til at Peonane set veldig stor pris på. I år ser dei svært frodige ut og dei fleste kjem med godt med blomster.

Om eit par dagar kjem neste Peon i blomst og eg skal prøve å presentere alle i tur og orden etterkvart dei blomstrar.

Løvetann - Taraxacum

2010-06-11T07:04:00.003+02:00

Dei fleste hageeigarar prøver vel å fjerne løvetanna frå hagen sin.
I min hage veks det mange løvetannplantar utan at eg ser raudt av den grunn.
M.a. brukar eg blada til foring av kyllingar når eg har det. Eg snittar opp løvetannblad og køyrer dei gjennom ein elektrisk grønsakskuttar, det vert framifrå fôr som kyllingane set stor pris på frå dei er ei vekes alder og utover.

Bildet over viser den kvite løvetanna - Taraxacum albidum som er viltvoksande i Eurasia, Korea og Japan.
På engelsk har den fått namnet White dandelion/Japanese dandelion og på japansk Sirobana tanpopo .
Den vert ca 30 cm høg og veks på omlag tilsvarnde tilhøve som den vanlege norske løvetanna.

Skjønt den "vanlege norske løvetanna" - Taraxacum officinalis - er eit omfattande begrep.
Visste du at det finst ca 240 underartar av løvetann her i landet, og mange av dei er ukjende anna enn i Noreg?
Går du deg ein fjelltur finn du løvetann langt til fjells - du ser det er løvetann, men om du studerer den nøye er den både mindre og litt forskjellig frå den som står langs grøftekantar, natureng og plener i lavlandet og studerer du nærare dei du finn i lavlandet er der små forskjellar i bladform og blomster som gjer at botanikarane skil dei frå kvarandre.

Eg har to forskjellige løvetenner i hagen min ( i tillegg til den norske viltvoksande) det er Taraxacum albidum og T. pseudoroseum. Den siste har mykje breidare og ikkje så tannete blad som den på bildet.
Fargen på T. pseudoroseum er lys rosa med ein gyllengul midte - denne veks vill på grasslettene i Kina og Sentralasia på 2000-3000 meters høgde.

På varandaen har madammen ein plante av kvar av desse to i kvar si potte og nett no står T. albidum på det finaste i full blomst på verandaen. (bildet)
T. pseudoroseum hadde eit par blomster tidleg i mai, men ser ikkje ut til å komme med meir blomster foreløbig.
Vi er svært nøye på å plukke av blomstrane etterkvart som dei er avblomstra for vi vil ikkje ha desse til å sjølvså seg i hagen, det får holde med dei gule norske.

Eg har eit par år sett etter frø til den Færøyiske løvetanna - Taraxacum faeroense, men det ser ut til å være vanskelig å få tak i frø av den. Den har mørkt bladverk og raudorange blomster.
Den hadde det vore stas å fått tak i.

Løvetannplanten har i tidlegare tider vore mykje brukt som medisinplante mot diverse plager og du kan bruke heile planten. M.a. veit eg dei som brukte rota som kaffeerstatning under 2. verdskrigen og eg veit fleire som lagar vin av blomsten. Den skal visstnok være nokså god på smak.

Blomstring 1. Juni 2010 - del 3

2010-06-09T08:34:00.013+02:00

Morelltrea stod i full blomst 1. juni - seint i forhold til det vi har vore vant dei siste åra - vakkaert den korte tida det står på.

Tredje og siste delen om det som blømer i hagen min pr. 1. juni i år er herved presentert.
Bilda er klikkbare.
Alle desse plantane veks i det eg kallar woodlandet mitt - no ser det ut til at eg omsider skal få meg eit "skikkelig" woodland, men meir om det seinare
Det nederste delen her er nokså fuktig og der trivst mange av desse plantane godt i halvskuggen.

Fylt Soleihov -Caltha palustris 'Multiplex' trivst godt i den lett fuktige delen av woodlandet.

Rhododendron impeditum har etterkvart fått det trangt på vokseplassen sin så det spørs etterkvrt om eg må flytte enten den eller nokre av dei som er i nærleiken.

Sibirmuregull- Waldsteinia ternata - ein krypande bunndekkar som har fine glinsnde blad. Den trivst nær sagt over alt både i sol og skugge.

Flekklungeurt - Pulmonaria saccharata har rosa flotte blomster som er særs godt likte av humlene. Når dei er avblomstra skjær eg ned alt bladverk og nytt bladverk veks hurtig ut att og har stor prydverdi med dei sølvgrå spettane på. I forkant ser vi blada av Heuchera ' Dales Strain' den Heucheraen eg set aller mest pris på.

Primula chungensis veks vill i Sørvest-Kina og Aust Himalaya og trivst godt i fuktig og humusrik jord. I år har den sådd seg veldig i woodlandet så det er tydeleg at den trivst godt der den står.
I bakkant ser vi Acer shirasawanum 'Aurea' ein flott japansk lønn.

Primula eg har fått frå ei hagevenninde på sørlandet - frisk og flott farge

Hylomecon japonica - japansk valmue trivst godt i litt fuktig og næringsrik jord. Blomstringstida er forholdsvis kort og den visnar ned tidleg etter blomstring, men er likevel vel verdt å ha i woodlandet.

Kvite småhjerter - Dicentra formosa 'Alba' likar seg godt der det er halvskugge og litt fuktig jord og lyser godt opp etter at sola har flytta seg så den står i skuggen.

Brunstorkenebb -Geranium phaeum 'Samobor' har eit vakkert bladverk, med flotte brune teikningar på og med brunfiolett blomster. Dei sjølvsår seg lett og kvart år dukkar det opp mange frøplantar rundt om i nærområdet.

Ballblomen er ein kjær forsommarblomstrande staude. Til venstre er det Trollius europaeus - den vanlege ballblomen som ein finn viltvoksane mange stader i landet og t.h. Trollius x cultorum 'Orange Globe' - ein av dei mange hybridane som finst. Denne syns eg har ein varm gulorange farge og ein av dei beste.

Blomstring 1. Juni 2010 - del 2

2010-06-06T08:30:00.006+02:00

Eg fortset med dokumentasjon av blomstringa i hagen min 1. juni. og nett no er "sølvkanppane" på det flottaste under det gule morelltreet og her har det selskap av mellom anna Astilboides tabularis, lungeurt, martagonliljer og hasselurt m.m.

Primula elatior-hybridane er fortsatt i blomst og lyser fint opp i "Øvre morelltrebed"

Løytnantshjertene er i full blomst og eit par -tre dagar etter kom dei kvite løytnantshjertene og i blomst.

Denne Euphorbiaen er fargerik og flott no på denne tid men er farleg å "sleppe alus" i eit vanleg bed då den sprer seg sterkt med underjordiske utløparar så denne har fått seg eit eige bed ved sida av drivhuset der han forhåpentligvis ikkje kan spre seg til andre stadar.
Bildet rettferdigjer ikkje den fargeprakten planten oppviser på langt nær....

Alpeakeleia er ei av dei flottaste akeleiene etter min smak - 20- 25 cm høg og tett vekst samtidig er den utruleg blomsterrik. og høver godt både i fjellhagen og i vanlege bed.

Vårlyngen held ut blomstringsperioden.I forkant er det lodnetimian og bakerst er det røsslyngen som eg har klipt tilbake. mange av røsslyngen som står nærast vegen har i vinter fått store vinterskadar av ein eller annan grunn.

Rhododendron 'Baden Baden' er truleg over 40 år gamal og er ein av overlevningane etter dei forrige bebuarane i hagen vår. Sjølv har eg klipt den radikalt tilbake to gongar den tid vi har vore her.

Nokre tulipanar er på hell, men dei seintblomstrande liljetulipanane som eg syns er dei aller flottaste av alle tulipanar står fortsatt i fin kondisjon.

Blomstrande rips - Ribes sanguineum er ei flott busk med ein frisk og fin farge i blomstringstida
Det finst forskjellige nyansar i fargen, men denne syns eg er veldig flott.

Weigela middeldorfiana - gul klokkebusk er meir gul enn det bildet viser - flott, men gjer mindre av seg enn Raud klokkebusk.

Morelltreet stod på det flottaste 1. juni - no ei knapp veke seinare har mesteparten av blomane takka for seg og forhåpentligvis har humler og villbier gjort jobben sin så det vert bra med bær både til folk og fugl i år òg!

Gyllespreiarsong

2010-06-03T20:50:00.002+02:00

Idag las eg ein artikkel på nettet ang. gyllespreiing og fant ut at eg skulle lage min eigen "Gyllespreiarsong" - eller eit varsel om at no er det spreiing på gang!

Den er skriven på dialekt, men eg reiknar med dei fleste forstår likevel.

Etter at eg hadde laga den fant eg ut at den kan syngast til "Tante Sofie-songen" frå Kardemommeby.

GYLLESPREIARSONG

I år lyt kommen tømast heilt, det sikkert e og visst
eg kan kje gå å spare di, no e det siste frist.
No lyt eg bare pøse på og spre i vilden sky
so dar bli plass te fyllje på te hausten att på ny.
De veit det e ennj møkajobb det her eg no ska gjer,
men du og du kor godt det e for bønen dette her.
Å de ska sjå kor groren veks og markja grønkast snart
og mate lyt vi allje ha det e klinkande og klart.
So difor mine venner no med blide auge sjå
at eg kjem rundt med gyllevogn med møkasupa på.
Det ve no kansje lukte litt det er slekt so føle med
men ittepå det verte grønt og gromt som bare det.

Blomstring 1. Juni 2010 - del 1

2010-06-02T16:11:00.021+02:00

Ja tida går fort og no er vi alt komne eit par dagar ut i Juni månad. Naturen går sin gang og i hagen avløyser dei ymse plantane kvarandre i blomstring - nokre i lenger og nokre i kortare periodar.
Dei typiske vårløkane er på hell - dei fleste av dei, men enno blømer perleblomsten, klosterklokkene, ruteliljer, pinsliljer og nokre tulipanar.
Denne gongen vel eg å presentere bilda frå fjellhagen fyrst.
Går alt vel kjem tekst og bilder på rett plass........ og det gjorde det ikkje !!!!!!!
I dag er redigering av tekst og bilder i bloggen heilt umulig ...ikkje anar eg kva som er årsaka. Trur nesten det er betre å fjerne teksten ved kvart bilde.

På hagevandring i Ulsteinvik

2010-05-30T08:05:00.009+02:00

I går var eg med Eid Hagelag på hagevandring til Ulsteinvik. 14 damer og 2 karar samla oss på rutebilstasjonen i Eid og fylte opp 5 bilar.
Fyrste stopp var Tilseth Hagesenter mellom Volda og Ørsta.Der vart eg litt skuffa over staudeutvalget som interesserte meg mest, men i handlekorga kom det eit flott eksemplar av Prostanthera cruneata - Peppermyntebusk.

Fyrste hagen vi besøkte var hos Mariann Stranden. Ein hage med mange oppfinnsomme detaljar som f.eks skoen med takløk som stod plassert på toppen av portstolpen og baud oss velkommen inn i den spennande hagen.

Andre detaljar vi la merke til var takløkgruppa som hadde fått plass der ei grein på det gamle epletreet hadde måtte gje tapt for lang tid sidan og etterlete seg ei høveleg stor grop til at takløken hadde fått rotfeste - utruleg stilig!

Ellers var det stubbar etter forlengst nedsagde tre som hadde fått "gjenbruk" i form av beplantning med både takløk, skyggesildre og Smørkrossblad (Chiastophyllum).......

Trekasser med dekorstein og takløk - nytt liv til gamle trekasser som ellers hadde gått på jonsokbålet.

Det var mange detaljar å studere og diskutere i beda til Mariann.

I dette bedet hadde ein gamal kløyvd slipestein fått gjenbruk og gav fint selskap til Lewisiaen som var planta der.

Så var det matpause, med loddsalg, utloddning og god prat i det fine veiret.

Etterpå var vi innom Ulsteinsvik sentrum og "Krukkehagen" før ferda gjekk vidare til hagane til Oddbjørg og Terje Haddal som låg side om side eit stykke unna.

Det var mange Rhododendron i hagen til Terje Haddal, både store og små, tidlege og seintblomstrande, vintergrøne og bladfellande (azalea)
Haddal fortalde at han gjer seg flid med preparering av Rhododendronbeda og blandar inn barnåler, bark og sand for å få den rette konsistens på jorda. Armen skal kunne stikkast ned til albogen før han vert førnøgd med planteplassen.

Her ein gulblomstra Polygala

Ein Axorellaplante dekker ei heil skråning og rammar fint inn teintrappa .

Haddal hadde fleire artar Daphne (Tysbast) som var flotte.

Denne Rhododendronen i hagen til Oddbjørg Haddal syns eg var ekstra fin og kom på ynskjelista mi.

Denne aurikkelen vaks i eit av beda til Terje Haddal. Nydelig eksemplar med ein spesielt kompakt vekst og reint gule blomster. Stor var gleda då Mariann fekk eit eksemplar med seg heim - og tenk: ho var så generøs at ho delte den med meg -Tusen takk Mariann! :-)

Takk til alle deltakarane som var med på hagevandringane denne laurdagen og ei ekstra stor takk til dei som tok imot oss som vertar og baud oss inn i dei innhaldsrike hagane sine.

Alle bildene er klikkbare!

Ååååå...... nei men kva er det eg fant ?

2010-05-26T14:55:00.008+02:00

I heile vår har eg gått og sett på noko som skulle ha vore ordna opp i hagen. Invaderande plantar som tek kontrollen på alt og alle rundt seg, men eg har kvitt meg på å gå igang med for eg reikna med at det var ein forholdsvis omfattande jobb med tanke på den fysiske stand eg er i for tida.
Vel, idag fant eg ut at eg ikkje kunne ikkje utsette det lenger skulle dei ikkje spre seg enno meir og invadere fleire andre plantar.

Oppgraving, deling og separering tok si tid, men så skulle arealet klargjerast og preparerast for nye plantar og då måtte jorda vendast med greip både ein gong og to og uønskte røter lukast vekk.

Lange underjordiske røter som måtte lukast ut om eg skal leppe å få nye skot opp overalt........

Der er det visst to rotendar til som må gravast opp... best å bruke greipa så eg får dei heile opp ...

Nei men........ ka er det eg ser .... hææææ ...ein baby???????

Er det ein av dei "underjordiske" skal tru...??
Nei skal ikkje dei være grå då ?....blå auge har han og... DET har han iallefall IKKJE etter meg.....

Ja..... jau... eg trur kansje at det kan være ein av desse små grå eg har vore så uheldig å få på greipa..... hjelpe meg ka kan DET føre til av reaksjonar - tenk om det er sjølve tuftekallen eg står med mellom hendene ?
Hjelpe og trøste oss......... no vert det sikkert både missvekst og pestilense i hagen i lange tider!

Som babyar flest måtte han no vaskast , det viste seg at det var ein gutebaby og når eg likevel var igang med vatn vart han likegodt døypt med det same så skal ikkje dei underjordiske ha makt over han meir...... Og namnet er sjølvsagt Jorulf.

Aurikkelsamlinga mi

2010-05-25T08:02:00.006+02:00

No er aurikkelblomstringa på det flottaste her i hagen min og eg vil vise dei sortane som har komme i blomst til no.
Nokre av desse har eg hatt i mange år, fått litt etter litt frå andre hageeigarar i området.
Nokre har eg bytta til meg frå andre aurikkelsamlarar og hageGal-medlemmer.
Og nokre har eg sådd sjølv. Ein del av dei siste blomstrar for fyrste gong no og det er alltid spennande når nye eksemplar kjem med blomster - har den ein farge eg ikkje har frå før ?

Nyleg planta eg ut "ein heil koloni" med auriklar som var sådde i fjor. Dei vert det spennande å til neste år kva sortar det er og er eg heldig kjem nokre av dei med blomster alt til hausten.
Eg trur aurikkelen er den planten eg set aller mest pris på i hagen min ilag med dei andre Primulane.

Eg trudde eg skulle klare å arrangere dei pent og pyntelig ved sida av kvarandre så det såg ryddig ut i bloggen min, men den gang ei..... det vart eit "rot i hop" dette, men det får våge seg - no gadd eg ikkje meir triksing og flytting, det vert aldri slik eg har tenkt likevel. Det viktigste var tross alt at eg fekk samla alle variantane i eit innlegg mest for min eigen del.

Pinsa er over og her hos oss var det kaldt veir med skodde i fjellet med litt regn ig yr av og til. Idag er det same veiret, men i tillegg snøar det ned på 5-600 meter vil eg tru ...brrrr ... får håpe det er vinteren som ristar av seg den siste frustrasjonen iform av "Pinsrida" som er årviss.

Award

2010-05-15T08:11:00.004+02:00

Denne pokalen har eg fått som award fra Berit http://beritshage.blogspot.com/ - Tusen takk til deg! :)

Denne utmerkinga går ut på å svare på sju spørsmål om hagen din og samtidig sende den vidare til 7 nye bloggarar.

1. Hvorfor hager du ? - Eg kan ikkje tru anna enn at det er medfødt, som smågut rappa eg erter frå kjøkkenskuffa til mamma og planta ute rundt eldhuset, og lagde meg små "potetåkrar" i alle hemmelighet - det var min fyrste hage!

2. Hva hadde du sagt eller gjort dersom du kom hjem fra ferie og fant ut at en "reality"-serie fra TV hadde omkalfatret hagen din ?
- Det kjem an på kor omfattande "skadene" var - hadde dei fjerna plantane mine hadde eg vorte temmelig forb..... (dei som kjenner meg godt hadde gått i dekning..... hehe)!!!!!!!

3. Hvilken plante begjærer du aller mest - hvilken er på sikletoppen akkurat no ?
- Hmmmm....det var vanskelig, det er mange det! Ein av dei som står høgt på lista er "Magnar sitt hagetroll" - Eriophyton wallichii.
4. Hvilken plante er du hittil blitt mest glad over å se igjen over vinteren ?
- Oi, det var virkelig vanskelig....

5. Hva har du i drivhuset ?
- Av ting eg dyrkar i drivhuset er to drueplantar, så er der mange prikleplantar av stauder som var sådde i fjor, nyprikla blåveis i nokså stort antall og div. liljer i potter.
Snart skal tomatplantane inn.

6. Hva er det mest plagsomme du har i hagen og hvorfor ? - Det må være Hagedjevelen (Skvalderkål, hanefot m.m.) som har vore i hagen her sidan forrige eigar. Den driv eg kontinuerlig krig mot der eg ikkje aksepterer at han er. Der eg ikkje har bed let eg han bare få holde på ....

7. Hva er det du er mest stolt over i hagen ?
- Det og er vanskelig å velge, men eg trur det må være den flotte gullregnen som veks seg stadig større og flottare for kvart år. Eit høgdepunkt i hagen når den står i blomst.

Då kjem eg til det mest vanskeligste - å velge ut sju nye som fortenar å bringe pokalen vidare.
Det er jo så mange flotte og interessante hagebloggar frå heile landet så kva skal ein velge ?
Mange har vel alt hatt den og, men eg får bare velge ut sju utan hensyn til kven som har fått pokalen før - ein vandrepokal kan som kjent vinnast fleire gongar ;)
Rett frå min grunne hukommelse listar eg opp følgande sju bloggar i alfabetisk rekkefølge:

- Elsas blogg - alltid kjekt å følge med på årets gang i den rikholdige hagen til Elsa. Kjekke er også innlegga hennar om gamle merkedagar og gamle veirmerke.

- Lene i Fredrikstad - Flott blogg som alltid er interessant å sjå innom kva som rører seg i hagen og kompostbingen til Lene.

- Mariann (Sunnmørshagen min) - Frisk og fin blogg med mange flotte bilder til inspirasjon og glede.

- Mari_ (Bakkane): Fin blogg der ho fortel om både hagen sin og hønseflokken sin to interesser vi har felles.

- Miamaria (Hagedagblogg) - Ein blogg som er verdt å ta turen innom kvar gong - alltid noko interessant å finne der og !

- Potentilla (Småsnutter fra et ugressparadis) : Frisk blogg der ein som regel får opne latterdøra av eit eller anna friskt innspel.

- Primula's hage Flott blogg som fortel om hagedyrking i Troms. Gled meg til dei mange flotte hagebilda når våren kjem der nord! :)

Då vil eg ynskje alle ei god langhelg og ein god 17. mai !

Hagelagstur til Ole Jonny Larsen i Ålesund

2010-05-12T08:08:00.013+02:00

Ein vintergøn vekst ifrå New Zealand - Aciphylla alpina - den hadde lange nåleliknande blad som var nokså kvasse i enden.

Søndag den 9. mai var eg ilag med Vågsøy Hagelag til Ålesund på hagevandring i hagen til Ole Jonny Larsen. Han er godt kjent blandt hagefolk som samlar av Rhododendron og barvekstar og har ei imponerande samling av Rhododendronartar frå dei som bokstavelig talt er krypane til dei som strekker seg fleire meter til veirs.På grunn av den kalde våren var det lite som var i blomst i hagen akkurat no - normalt var det mangt som skulle stå i full blomst på denne tida, men naturen styrer den slags der som over alt ellers.Ein engasjert og kunnskapsrik vert tok i mot oss i det kalde vårveiret og tok oss med på rundtur i hagen som var på 2 da (eller var det 2,5 da ?), inkludert lånt areal m.a frå kommunen som han har fått disponere.

Rhododendron pachysanthum var imponerande flott med sitt filtgrå belegg på blada. Ellers hadde han feire sortar med gulbrunt filt belegg på baksida av blada.
Variasjonen av artar var stor frå minimini til artar med kjempestore blad.

Ole Jonny Larsen ynskjer alle velkommen til samlarhagen sin. På veggen til høgre (utanfor bildet) hadde han eit imponerande espaliertre truleg epletre som eg gløymde å ta bilde av dessverre - det var flott!!!
Han sår og stikk plantar sjølv og produserar ein masse plantar frå importerte frø - noko kjøpt og noko i bytte med andre samlarar. Sjølvsagt bytter han plantar og frå andre Rhododendronsamlarar rundt i verda.
Arboretet i Bergen er ein av mottakarane hans, og han kunne fortelle at dei har alltid fyrstevalget når han legg ut plantelistene sine av dei plantane han har overskot av.

Her har han eit bed med diverse bartre, mange av dei frå New Zealand. Filosofien hans er den at han plantar tett og så skal plantane få stå der til dei vert for store, deretter flyttar han ut eller skjær vekk dei som "har gjort si teneste".

Viburnum x bodnatense blomstrar på bar kvist og strakte seg fleire meter oppetter husveggen

Denne Rhododendronen blomstra høgt der oppe... R. oredoxas var . fargesii var ein av dei få som blomstra då vi var der.

Rhododendron platypodum - vakre blad, ein treng nesten ikkje blomstre når ein ser slik ut .......

Over alt var det store eller mindre plantefelt, med mange spennande plantar i - eg trur vi kunne ha gått rundt i den hagen ein heil dag og heile tide funne noko spennande nytt.

Han fortalde at plantesamlinga hans starta med stauder for over 20 år sidan og har vore gjennom mange fasar - no er dei fleste staudene vekk til fordel for bartre og Rhododendron, men fortsatt fant vi nokre stauder som han hadde:

Celmisia spectabilis - ei staude frå New Zealand . Den held seg som fin rosett heile vinteren igjennom - dekorativ og flott.

Kvit nyserot - Veratrum album - ei kraftig staude som veks vill i Finnmark.

Lysiciton americanus - ein sumpplante han hadde ståande i kanten av dammen sin. Utruleg flott i blomst og etter blomstring overtek store blad utover sommaren.
Ein skikkelig sikleplante og eg er så heldig at eit par dagar før hagevandringa i ålesund hadde eg fått avtale om frøplantar av nettopp slike plantar frå einannan kant av landet. Det vert stas.

Etter omvisninga kunne vi få kjøpe av hans eigenproduserte plantar, men då løyste det seg ei kraftig byge med tjukt sludd så eg trur dei fleste fekk frosten i seg i griseveiret. Dei fleste let no likevel veir være veir og sikra seg nokre godbitar frå salgsborda han hadde sett opp.

Sjølv kjøpte eg ein Sorbus reducta - ein liten rogn som bare vert ca 1/2 m høg med rosa bær.
Ein Rhododendron mekongensis og ein R. pereclymenoides begge bladfellande og lave artar.

Etter besøket hos Larsen i Spjelkavik var vi innom Viddal Gartneri der eg m.a kjøpte meg ein reint kvit aurikkel som eg ikkje hadde frå før + nokre andre.
Så gjekk turen til Plantasjen - der var veiret så SURT at eg ikkje orka å gå å sjå på utearealet deira, men eg fant no litt likevel, m.a. Bycobact-gjødsel eg skal ha til blåveisbabyane mine!!!

Takk til Vågsøy Hagelag som inviterte med deltakarar frå nabohagelaget og på turen !

Wanted

2010-05-10T17:04:00.009+02:00

Wanted

Det var dessverre ikkje lenge gleda av å ha Råger Mår, alisas James Bånd, alias 007 som inventar i hagen varte....
Synet som møtte meg idag tidleg eg kom og skulle fôre hønene mine var alt anna enn lystelig. Det fyrste eg såg då eg kom inn døra var at i fyrste "romet/buret" var det ein daud hane og ein hane som hadde misst det meste av velet ("halen"), men såg ellers ok ut. Når eg såg bortover dei andre bura var det daude fjørkre overalt......Alle dei flotte dverghønene mine låg daude på golvet og i kassene sine - hutte tu for eit syn - daude høner/hanar og fjør overalt!!!!!!!
Dei store wyandotthønene og- hanen sat mutte og forskremde i krå og hykte, dei hadde ikkje måren fått has på - ikkje ser det ut til at dei er fysisk skada heller...psyken er det vel verre med tenkjer eg!
Eg håpar at den store wyandotthanen forsvarte haremet sitt godt og gav måren juling så det forslo.
Det var ikkje anna å gjere enn å grave ei dugeleg hole å bære ut elendigheta og det var ikkje gode tankar og ord eg bar med meg på vegen må eg innrømme.Eg vurderte både det eine og den andre straffemetoden - alle med same endelikta sjølvsagt....... men så er det slik at han har vel ein familie måren og, og i desse tider har han sikkert ungar ein kvar stad - kansje ikkje så langt vekke, det står mange ubrukte uthus, gardfjøsar og låvar i nabolaget og når alt kjem til alt får ein prøve å være litt humane opp i det heile. Han gjorde jo bare det som er naturleg for ein mår......
Plassen der han hadde teke seg inn i huset har eg funne og gjort så godt eg kan til at måren ikkje kan komme seg inn der att iallefall, men kven veit - det er velkjendt at måren kan gnage seg gjennom nokså mykje treverk dersom han virkelig vil!

No håpar eg at eg får tak i ei rugemaskin eg kan låne slik at eg får ruge ut dei egga eg har liggannde etter dverghønene mine. Den rugemaskina eg har er i bruk og har ca 2 1/2 veke att til den er ferdig med sin prosess. I den maskina er det for det meste Wyandotte-egg som eg har love vekk kyllingar til andre. Skal eg vente til dei er ferdige vert mange av dei egga eg har for gamle for ruging.

Slik såg det ut i eit av bura då eg kom idag - eit trist syn .....

Råger Mår - alias James Bånd - alias 007

2010-05-08T15:29:00.006+02:00

Onsdags kvelden denne veka hadde vi besøk av ein gjest vi sjeldan observerar i dagslys; nemleg måren. Han var på tur i 19-tida om kvelden og fatta tydelig interesse for noko eg hadde kasta på nordsida av huset. Madammen hadde stått i badglaset og sett på han ei stund, men kom på at eg og sikkert ville sjå den, så då stiltra ho seg ned og gav meg beskjed . Eg fekk ta nokre bilder gjennom kjøkkenglaset før han fann det betimelig å forlate åstaden.Eg la straks ut bildene på facebook og der kom det nokså raskt namneforslag n oko overskrifta på dette innlegget vitnar om.Råger Mår talar vel for seg, men James Bånd skulle visst takast i bruk dersom han vart tam og vi fekk på han band..... hehe...eg syns for letthets skuld at vi likegodt berre kan kalle han 007.

Då kan eg likegodt vise eit bilde av katten vår Solo og - ein skikkelig stovegris om dagen, men om natta vil han som regel være ute no på denne årstid.
Av og til er han veldig skeptisk når vi skal sleppe han ut om kvelden og ikkje veit heilt om han vil ut eller ikkje. - Det er ikkje utenkjeleg at han har stifta nærare bekjentskap med Råger Mår både ein og fleire gongar.....

Blomstrande plantar på Nordåker pr. 1. mai 2010 - del 4

2010-05-07T06:52:00.008+02:00

Då er eg kommen til det siste kapittelet i seiren om blomstrande stauder i hagen min den 1. mai i år. Har sett i ettertid at det er eit par eg har oversett m.a. kvit Arabis men den kjenner vel alle til så det er nok å bare skrive namnet. Det er utruleg kor fort det veks og utviklar seg no om dagen sjølv om temperaturen ikkje er noko å skryte av for årstida.

Omphalodes verna - vårkjærminne er ein plante som eignar seg både i sol og skugge og er fin å bruke der ein vil ha noko som skal bre seg raskt og være heildekkande.
I fjellhagen har eg forskjellige "miniplantar" slik som Draba sphaeroides (over) og Draba rigida (under). planteslekt Draba har ca 300 forskjellige artar, og dei fleste liknar mykje på kvar andre i vekst og blomst. Det er ypperlege plantar å bruke i fjellhagen då dei dannar små puter ellar tepper og trivst godt i grus/sandblanda jord.

Ei anna plantelekt i same kategori som Draba er Androsace som er ei planteslekt med ca 100 artar. Dei veks i Alpine områder i Asia, Europa og Nord-Amerika. Dete bildet vart ikkje særs vellukka, men det syner iallefall korleis eg har planta den i sandblanda jord mellom stein med eit godt topplag med grus over, trur eg skal ha på meir sand og singel på toppen etterkvart og.

Androsace carnea ssp. brigida ( eg trur det skal være det rette namnet) ) heiter denne arten

Bergenia er ei planteslekt som klarar seg både i sol og skugge.
Dette er sorten 'Bessingham White'

Denne Bergeniaen heite ' Rosie Klose'

Den blå Lungeurten - Pulmonaria angustifolia har ein frisk blåfarge som lyser godt opp om våren. Humlene er svært flittige i lungeurtgruppene på solrike vårdagar så det er nok rikeleg nektar å hente der.

Her er det Flekklungeurt - Pulmonaria saccharata som har masse lyse flekkar på blada.
Eg har også to andre lungeurtar i hagen min Rød lungeurt ( P. rubra) som er ein del kraftigare i veksten enn dei andre og med raude blomster og ein med sølvfarga blad med sortsnamnet 'Samurai' .
For flekklungeurten og ' Samurai' sin del er det blada som er pryden, får dei får lov å blomstre vert fargen i blada nokså blasse og mindre dekorative så dei skjær eg ned nokså tidleg for å få opp nye og dekorative blad.

Den siste som får være med i biletgalleriet denne gongen er vårlyngen Erica carnea. Syns dei er flotte, særleg i kombinasjon med stein .

Blomstrande plantar på Nordåker pr. 1. mai 2010 - del 3

2010-05-05T17:38:00.007+02:00

Mogop - Anemone vernalis veks vill i fjellheimen på kalkrik fjellgrunn. Hos meg trivst den godt i fjellhagen i grusblanda jord med mykje skjellsand innblanda. I år har den 10 blomster.

Blåveisane mine har fått hard medfart av veir og vind denne våren. Hagl, sludd, snø og regn har ført til at blomstrane har sett lite tiltalande ut til tider. Her er den fylte sorten 'Kyrvinberg'
som viser seg å være svært vanskelig å gjengje på foto med rett farge, men her er det beste bildet eg har fått av den i år.

Ungarsk blåveis - Hepatica transsilvanica her representert av sorten 'Weinreich Weize' Dei ungarske blåveisane er ikkje kalkelskande slik den vanlege blåveisen (H. nobilis) .

Den europeiske blåveisen Hepatica nobilis har blomstra ifrå seg for i år, der var mange blosmter på denne tua og humlene har nok gjort sitt i mellom regn- og snøbygene og no er frøproduksjonen i full gang.

Anemone vulgaris 'Alba' - Stor kubjølle finst i fleire fargevariantar - den kvite er fyrst ute her hos meg.

Anemone ranuncloides - Halvfylt gulveis har fuska litt ettersom den stod i potte i drivhuset i vinter og kom igang ein del før "normaltid" , men fin er den iallefall.

Kvitveis - Anemone nemorosa har eg mykje av i hagen min, både i bed og andre stader. Den vanlege viltvoksande er den tidlegaste, seinare føl andre sortar/variantar på.
I fjor fant ei gruppe med kvitveis der baksida av kronblada var grøne - ikkje så uvanleg det, men desse var nesten heilt grøne på baksida og eg tok med meg ein rotstokk. Idag planta eg den potta i eit bed, men rimeligvis er ikkje den blomstringsdyktig i år.

Blomstrande plantar på Nordåker pr. 1. mai 2010 - del 2

2010-05-03T09:00:00.014+02:00

Primula vulgaris - Kusymre, vår eigen viltvoksande bodbringar om vår får innleie mitt biletgalleri over dei Primulane som er i blomst hos meg 1. mai i år.
Her i bygda veit eg ikkje om nokon stadar den veks vill, men ein skal ikkje så langt avgarde før den i desse tider pryder vegkantar og bratte lier langs fjorden.
Bildet viser ikkje rett farge - dei er lyst gule sjølv om dei ser nesten kvite ut på bildet.

Primula x pruhoniciana 'Wanda' - er ein av dei tidlegaste sortane som mange har i hagane sine og er ein årviss og hardfør sort.
P. x pruhoniciana er kryssninngar mellom P. juliae og P. vulgaris og finst i veldig mange fargevariantar

Her er ein annan variant som heiter. 'McWatts Cream' - kremgul med anstrøk av rosa til raudfiolett i seg.

Primula aff. uruminensis er ein art eg sådde for nokre år sidan og har sidan vore trufast kvart år.I år har riktignok nokre av plantane gått ut iløpet av vinteren.
Den minner om P. veris (Maria nøkkelblom) som eg for tida ikkje har i hagen min.

Primula elatior-hybrider - Hagenøkkelblom har eg i mange fargevariantar. Ofte kan dei ha ein og annan blomster heile vinteren igjennom slik det har vore desse siste milde vintrane, men i år har dei nett komme med dei fyrste blomane for ei god veke sidan. Desse er veldig lettstelte og hardføre, og trivst best i halvskugge.

Her ein art som heiter P. elatior var. Mayerii

Denne arten heiter Primula erosa har eg både i denne fargen og i kvitt og minner mykje om kuleprimula som også blomstrar hos meg no, men denne får representere dei begge denne gongen.

Så er vi over på dei Primulane som eignar seg best i fjellhagen. Denne søte vesle arten heiter Primula warschewskiana og er ein fin liten sak.

Primula marginata - Dvergprimula ein vakker art som også passar i fjellhagen - denne sorten heiter 'Sheila Denby' og har ein vakker himmelblå farge.
Spesielt med denne arten er den kvite kanten langs "egga" på dei sagtanna blada, det viser ikkje så godt på bildet pga ein del nedbør i det siste, men ved lenger oppholdsperiodar er dette markant og hevar prydverdien i den tida den ikkje er i blomst.

Primula aurikula - Aurikkel - Den opphavelege aurikkelen - (arten) som veks på kalkgrunn i Alpane har sitrongule blomster - den er eg på jakt etter og står på lista over frø eg skal skaffe meg til hausten. Denne varianten er raudfiolett med kvit midt - ikkje verst den heller ! :)

Primula x pubescens - Hageauriklane som dei fleste av oss feilaktig kallar auriklar er foredla kryssningar og finst i mange spennande fargevariantar. Hos meg har dei fyrste såvidt begynt å blomstre, men berre denne fargevarianter her. Etterkvart kjem det nok fleire og det mest spennande er dei frøsådde plantane som ikkje har blomstra før. Eg håpar at det dukkar op positive overraskingar der iløpet av våren.
Å kjenne den gode dufta av hageauriklane er ein av dei hageopplelsane eg set mest pris på gjennom heile hagesesongen. Dei er lette å ale opp frå frø og hauste frø av eigne plantar i hagen kan gje mange spennande variantar.

Dei som er spesielt interesserte i Primula har ei flott side å gå inn på med mykje informasjon om denne planteslekta : Dansk Primula Klub der ein kan teikne seg som medlem, kjøpe bøker om emnet og om hausten får ein kjøpte rimeleg frø der som er innsamla hos medlemmene i klubben og her kan ein finne mange godbitar for samlarar.

Det var min presentasjon av mine blomstrande Primula 1. mai i år (alle bilda er tekne 1. mai og er klikkbare)

Ein av dagane kjem det nytt innlegg med fleire blomstrande 1.maiplantar. :)

Blomstrande plantar på Nordåker pr. 1. mai 2010 -del 1

2010-05-01T21:45:00.012+02:00

I år har eg bestemt meg for å dokumentere kva slag plantar eg har i blomst i hagen min pr. den 1. i kvar månad gjennom sesongen. Eg får starte no 1. mai og så får vi sjå om eg klarar å halde lovnaden utover resten av sesongen......
Alt no har eg altfor mange artar i blomst til å poste alle i eit innlegg så eg må spre bileta på fleire innlegg.
Ein del av løkblomstrane har alt avslutta blomstringa si og har starta på neste steget - frøproduksjon slik som snøklokke, Krokus og Eranthis.
Dei "gamaldagse" påskeliljene er vel snart på hell, og pga. regn, hagl sludd og snøbyger i det siste (dei seinaste hagl- og snøbygene hadde vi idag) ser dei litt tafsete ut, men held koken enno nokre dagar.

"Gamaldagse påskeliljer" - Narcissus pseudonarcissus syns eg er dei aller flottaste av alle påskeliljene. Dei er lavare enn mange av dei meir foredla sortane og er svært vanlege "over alt " her på Vestlandet iallefall.

Desse fylte påskeliljene var i hagen då vi flytte inn her og namnet er ukjent. Eg har tre andre fylte sortar og. Den eine er nokså spesiell, men den har ikkje begynt å blomstre enno - nokre få dagar til så er den og i blomst.

Muscari - Perleblomst er ein vakker løkplante som finst i mange forskjellige variantar.
God duft har dei og! -Eg har to av dei:

Muscari armeniacum har eg i grupper fleire plassar i hagen i bed har dei nesten litt for god spredningsevne syns eg og kan på få år bli litt vel mange eller få det for trangt og må tynnast.

M. latifolium under gullregnen og seinare på sesongen kjem Allium aflatuense 'Purple Sensation' forhåpentligvis samtidig med gullregnblomstringa.

Russeblåstjerna - Scilla siberica har ein vakker blåfarge som viser godt igjen i bed, men aller best passar den ved og under busker der den kan få stå og visne ned på naturleg vis. Den har stor spredningsevne dersom den får stelle seg sjølv. Mauren bidreg og til at det dukkar opp eksemplar på stadig nye stadar i hagen.

Den einaste tulipanen eg har som er i blomst no er den botaniske tulipanen Tulipa urumiensis, den har sikkert hatt det for magert for den skal eigentleg ha fleire blomster på kvar plante, noko den ikkje har i år - ut med gjødslingskanna å få drift i sakene må være mottoet her!

Det var løkblomstrane for denne gongen, neste kapittel vert truleg om Primulane mine - der må det biletprioritering til og det vert vanskeleg......

Ha ein fin laurdagskveld alle saman. :)

Ligularia - Nøkketunge

2010-04-27T14:51:00.010+02:00

Ligularia przewalskii - Aksnøkketunge

Eg har fire forskjellige Ligularia i staudesamlinga mi.
Dei trivst best på litt fuktig jord i sol eller halvskugge og er fine å bruke på plassar nær dammar eller grover med rennande vatn. No har eg ikkje dam, grover eller rennande vatn i hagen min så dei må klare seg med den plassen eg kan tilby og det ser ut til at dei trivst godt der dei står.
Særleg fine syns eg at dei mørkblada sortane er om våren når dei nye blada held på å folde seg ut.

Ligularia dentata 'Britt-Marie Crawford' er den absolutt mest dekorative nøkketunga eg har - iallefall no om våren. Den har ein mørk, lekker farge på blada som den beheld gjennom heile sesongen. Den vert ca 125 cm høg og i Juli-September har den varmgule blomster.

Ligularia dentata - Vanleg nøkketunge er også kalla Breinøkketunge med gule til gul-orange blomster. Den vert mellom 100 til 150 cm høg alt etter kor godt den trivst. På undersida av blada er den raudfiolett , det same er blada med det same dei sprett opp om våren men dei går over til mørkt grønt etterkvart på oversida.

Ligularia stenochepala 'The Rocket' - Søylenøkketunge heiter denne sorten. I Juli-August får den ca 150 cm høge spir med gule blomster . Også denne sorten har raudfiolett underside av blada noko ein kan skimte i needre bildekant.

Ligularia przewalskii - Aksnøkketunge vert ca 150 cm høg og har gule aksforma blomsterstandar i juli - september. Dekorative blad.

Ligularia przewalskii sjølvsår seg i beda dersom ein ikkje passar på å ta vekk blomsterstandane før dei set frø. Her er ein liten przewalskii som har fått rotfeste i utkanten av perleblomstgruppa. (Muscari). Dersom nokon er interessert har eg nokre plantar av desse å avsjå.

Eg trudde eg hadde bilder av alle Ligulariane mine i blomst, men det syner seg å ikkje stemme så det får halde å presentere den eg har. (Øverste bilde).

Hypertufatrauet

2010-04-22T08:07:00.008+02:00

No har eg endeleg fått planta og laga til hypertufatrauet mitt.
Som det går fram av bildet brukte eg ein kartong som ytterforskaling som var for lite kraftig slik at den seig litt utover. Det same var tilfelle med den eg brukte som innerforskaling slik at den seig innover, noko som syner godt på bilde 1.
Detter er ei erfaring å ta med seg til neste forsøk. Eg vil tru at det hadde hjelpt ein del om eg hadde forsterka kartongen med kraftig tape på utsida både på ytterkassa og innerkassa, eller evt. laga ei ramme rundt av eit eller anna for å halde på fasongen.
Men altså bruk kraftig kartong som forskaling, eller ein anna metode er å grave seg ut ei hole i bakken, då treng ein bare innerforskaling og den ytre forma kan ein variere i langt større grad slik ein vil.

Her har eg fyllt singel i botnen for å sikre drenering. Under singelen la eg små, flate steinar opp på dreneringshola så ikkje singelen skulle ramle ned i, det er nok ar dei er så store at dei dekkjer hola.
To av hjørna har fått sprekker under handteringa med flytting og transport, det gjenstår å sjå kva det fører til når den har lagt bak seg ein vinter eller to.

Opp på singelen har eg lagt ei matte for å hindre at jordmassen sig ned i singelen.
Plantejorda består av plantejord, skogsjord og sand i like deler, men det kan ein variere etter kva ein har tenkt å dyrke i trauet.

I dette trauet har eg planta typiske fjellhagestauder som takløk, Sedum, Androsace poisonii, Androsace x pedemontana, Androsace hederantha og Primula dinyana.

På toppen dryssa eg ca. 1 cm med sand for ekstra god drenering rundt rothalsen på plantane.

Det er litt vanskelig å få gjengje trauet full rettferdighet på bilda syns eg, men det vert nok lettare å sjå korleis det ser ut etterkvart som plantane veks seg til utover sommaren.

Eg ser på dette som eit prosjekt i forsøksstadiet og kjem nok garantert til å lage fleire trau etterkvart.

Dersom nokon som les bloggen min har gode råd og nyttige tips å gje ang. laging/bruk av hypertufa tek eg gjerne imot råd og vink i kommentarfeltet . Eg reiknar med at dei som har gjort dette før har både pluss og minus dei kan dele med oss nybegynnarar. ;-)

Her er eit nærbilde av Androsace poisonii som eg har planta i trauet mitt.

Mogopblomstring i fjellhagen.
Til slutt vil eg vise eit bilde av Mogopen min ( Pulsatilla vernalis/Anemone vernalis) som i går opna dei fyrste blomane av året.
Den er tre år gamal no og har 8 knoppar som skal sprette ut etterkvart så den ser ut til å trivast godt i grusblanda skredjord med mykje skjellsand i.

Hurra, eg fant kvitveis i blomst.

2010-04-13T07:04:00.005+02:00

I går fant eg dei fyrste kvitveisane i blomst, noko som eg held som ein merkedag kvart år. I år er det 14 dagar seinare enn i fjor då den fyrste opna seg 2. april noko som var svært tidleg.

Når eg fekk sjå meg rundt i gamalt fjorgras fant eg ei heil gruppe som var utsprotten.

Også påskeliljene ( Narcissus pseudacorus ) er komne i blomst her hos oss -

Også vårkålen (Ranunculus ficaria) er kommen i blomst (gløymde å ta bilde av den) men den er eg mindre glad for å ha i nærleiken - iallefall i hagen!

No har vi virkelig følelsen av at våren er komen, men skal vi tru veirmeldingane er det fare for snøfall i slutten av veka - typisk!

Ha ein fin vårdag alle saman! :-)

Kurs i hypertufa

2010-04-11T12:46:00.007+02:00

I går. laurdag. var eg på Hypertufakurs på Nordfjordeid ilag med 8 andre kursdeltakarar.
For dei som ikkje veit det er hypertufa plantetrau som er laga av 3 deler sand, 1 del sement 1 del ugjødsla torv + høvelege mengder vatn.
Høveleg tjukkelse i botn og sider er 3-4 cm så å finne kartongar som passar til kvarandre er ikkje alltid like lett.

For nokre år sidan las eg om hypertufa i Norsk Hagetidende og har mange gongar tenkt at eg skulle prøve det "på eiga hand". No fekk imidlertid Eid Hagelag tak i kurshaldar Gro Haga frå Viksdalen til å halde kurs og då melde eg meg på ilag med 7 andre. I eit strålande flott vårveir var det ein kjekk samankomst og eit nyttig kurs for oss alle.
Personleg lærte eg iallefall at det er ein fordel med kartongar som er litt kraftige - både den innerste og den ytterste.
På leiting etter høvelege kartongar....

Her er støypinga i full gang. Vi brukte betongblandar i tillegg blanda kvar enkelt kvar til seg i bøtter og det gjekk heilt fint, særleg er murerbøtter praktiske til dette om det er små arbeider ein held på med.

Kassa lengst til høgre var for svak og seig litt vel mykje utover på sidene og innover i midten så den måtte få "magebelte" på for ikkje å sige for mykje utover. Sterkare kartong må til eller evt. forsterkast før støypinga tek til med kraftig tape. Evt. oppstøtting på sidene med eit eller anna så den held forma til betongen har storkna.

Her vert det mange fine plantetrau som i slutten av veka er klare for finpuss og beplantning med fjellhagestauder. Dei vert nok flotte utover sommaren etterkvart som det veks seg til .

Etter støyping er det bare å vente "ei lita veke" på at betongen skal herdne. I mellomtida må den påpassast med ein svak dusj eit par gongar pr. dag for at betongen skal bli sterk nok.

Hypertufa plantekar kan ein lage i alle slags former, bare fantasien set grenser eigentleg.
Får ein ikkje tak i høvelege kartongar kan ein også grave ut hol i bakken og bruke det som forskaling. Då treng sin evt. bare ein kartong, ei bøtte eller kva som måtte passe som "innerforskaling".
Det er og ein fordel å ha klar treklossar å sette den i botnen av trauet ved støyping for å få dreneringshol så slepp ein å bore hol i etterkant.

Undervegs i kurset hadde vi det også sosialt med måltid og god prat i godveiret.
Takk til deg som let oss disponere plass på tunet - ikkje bare på kursdagen, men også nesten ei heil veke i etterkant.

Våronn

2010-04-09T07:23:00.008+02:00

Her er det den 5 m lange kanten med Marikåpe (Alchemilla) som får vårklippet sitt.

No har våronna starta her hos meg og. Eg er så heldig at eg har yngstedattera heime eit par veker som har tilbytt seg å hjelpe til med våronna i hagen og det vart eg svært glad for.
Med meg vert det for det meste "puslerier".
På onsdag fekk eg shina opp fjellhagen så no ser den nokså bra ut og eg trur det meste har overlevd vinteren der og. Den har jo hatt ekstra godt snødekke ettersom det er der all snøen hamnar som må måkast vekk frå vegen inn til huset.

Pionane er i full vekst og alle saman har klart seg fint denne vinteren. I tillegg til flotte spirar fant eg ein god del pionfrø i bedet då eg reinska der og dei var tekne vare på og skal såast, stratifiseringa her dei jo allereide fått på naturleg vis.

Den Ungarske blåveisen ( Hepatica transsilvanica) er i full blomst. Denne sorten heiter 'Weinreich Blaue' og er ein flott sort.
Eg har også "systersorten" 'Weinreich Weize' som er reint kvit.

Her er det vanleg norsk blåveis Hepatica nobilis som blomstrar flott.
Plana er at eg denne våren skal omarbeide eit av beda mine under det øverste morelltreet til blåveisbed.......

Det er krokusane som dominerer blomstringa i hagen no og dei har eg i mange variantar. Eg har planta dei både i plen, bed og fjellhagen og bak huset har dei fått sådd seg fritt ettersom slåtten der vert teken med ljå og krokusfrøa rekk å bli modent før eg tek slåtten.

I fjellhagen eignar små krokusgrupper seg godt syns eg, men helst dei botaniske artane. Dei foredla sortane vert litt for dominerande syns eg.

Eg reiknar med at det må til fleire slike økter som vi hadde i går for å komme i land med våronna i hagen, men med god hjelp skal det nok gå bra. I dag er det andre ting som står på programmet for Silje sin del, men eg skal ta meg ei runde og fullføre den delen vi begynnte på i går.

I morgon skal eg til Eid og delta på Hyperturfakurs i hagelaget sin regi og det vert interessant - Dette er eit kurs eg i mange år har hatt lyst å delta på etter å ha lest ein artikkel om det i Norsk Hagetidende for mange år sidan. Bilder og referat derfrå vil eg komme tilbake med.

Også billene har starta våronna...... nye generasjonar må til der og om livet skal gå vidare.

Idag er det 9. april og i den samnheng går nokre av tankane mine 70 år attende i tida og det som hende 9. april 1940. Eg og min generasjon som ikkje opplevde krigen kan nok ikkje sette oss inn i korleis det var å oppleve at landet vart okkupert, og framande makter overtok styringa.
Vi har enormt mykje å takke dei som kjempa imot og gav liva sine for eit fritt land i dei 5 åra landet var okkupert og på framande hender.

Tilslutt vil eg gjere merksam på at eg har "innstallert" eit oversettingsprogram i bloggen min så mine utanlandske venner og gjestar kan få med seg det meste av det eg skriv og.
Det var artig å sjå at det tok ikkje lang tid før der var registrert utanlandske gjestar på flag counteren min som eg også "innstallerte" i går.
Takk for god assistanse til den som hjelpte meg med koder og veiledning til begge deler! :)

Ha ei fin helg alle og nyt vårteikna, vårlufta og fuglesongen.

Påskedag 2010

2010-04-04T12:28:00.011+02:00

Eg håpar at dette biletet av bygda sitt eige "påskegg" -Gullskora -vert det siste vinterbiletet denne sesongen!
Sjeldan å sjå fjorden så blank som ein spegel, men det var det den dagen (30.mars) då madammen tok dette biletet frå varandaen vår.

Påskeliljene rakk ikkje å bli ferdige til påska dette året, men om ikkje lenge har eg mange flotte gule tuer rund om i hagen.

I dag har eg vore ute og reinska litt i fjellhagen og bed, men det var ikkje så lange stunda før eg måtte gje meg og gå i hus att - energien er ikkje på topp nei, men eit innlegg i bloggen vart det jo i pausa..... så får eg sjå om det vert ei økt til seinare idag.
Har fått yngstedattera heim på besøk og ho skal være her eit par veker så eg får spørje pent om litt bistand så eg får gjort det grøvste før veksten kjem igang for alvor ! ;-)

Helleborus niger - den reint kvite julerosa er fullt utsprotten no. Vakker!

Blåveisane er også såvidt begynnt å sprette ut. Det ser ut til at alle har overlevd vinteren og det er kjekt ettersom eg i fjor skaffa meg fleire nye sortar både av den vi har viltvoksane her i landet Hepatica nobilis og ungarsk blåveis H. transsilvanica. Knoppane er klar under snøkåpa og så snart snøen er vekk foldar dei seg ut mot sola og lyset. - Vårteikn betre enn noko anna!

Her ser vi knoppar på Hepatica transsilvanica 'Weinreich Weize' - på biletet under er det også ein ungarsk blåveis H. transsilvanica 'Weinreich Blaue'

Her er det Hepatica nobilis marmorata - ein blåveis eg importerte frå Tyskland i fjor som skulle ha sølvmarmorerte blad, men det har den lite av så det spørs om ikkje det er ein feilmerka plante eg har fått!!!! - Iallefall er blomsterknoppane velfyllte og sprettande klar til å opne seg mot verda.

Krokusgruppene lyser mot meg mange stadar i hagen - dette trur eg er C. tomasianus som eg har grupper av fleire stadar.

Under sommarfuglbusken (Buddleja) har eg planta grupper av forskjellige krokusar som lyser opp. Her har småfuglane hatt mellomlanding med solsikkefrø i vinter så det ligg betydelege mengder med solsikkeskal på bakken. Litt beskjæring trengst og iløpet av våren.

Enkelte av Auriklane mine ute og har begynt å vise knopp. Eg gled meg til dei kjem i blomst, håpar at mange av dei sjølvsådde kjem i blomst i år med mange nye fargevariantar.

Kuleprimulane viser og knoppar og begynnande farge.

Tilslutt vil eg vise den flotte barken på snøklokkebuska mi - Halesia carolinae - det er ikkje bare "snøklokkeblomstane" på den busken som er tiltalande.

I går på påskeafta hadde vi eit strålande pent veir med sol og bra temperatur som lokka fram både den fyrste humla og den fyrste sommarfuglen dette året.
Kjekke vårteikn!
Idag er det overskya og søraust bris. Det ser ikkje ut til at det skal bli meir sol idag enn dei små og få glytta vi fekk i morgontimane, men det er bra temperatur så vi er fornøgde bare det er opphald.

Tilslutt vil eg ynskje alle ei fortsatt god påske!

Vårteikn

2010-03-23T10:54:00.008+01:00

Crocus chrysanthus 'Saturnus' er ein av dei flottaste krokusane og aller finast er den i knopp syns eg! - Godt å komme heim att å finne slike vårteikn!

Madammen og eg har vore 5-6 dagar i Valdres på besøk hos eldste datter med familie.
Dei har kjøpt seg hus som dei flytta inn i på nyåret og det var kjekt å sjå korleis dei har fått det i den nye heimen sin. Sander syntes det var kjekt å få besøk av Besta og Besten.
Ein aktiv krabat med mange jern i ilden som det høver seg ein gut på snart 2 år.
Vi har jamn kontakt på skype, men det vert sjølvsagt ikkje det same som personleg og nær kontakt med barnebarna.
Laurdag var eg på spabehandling på Beitostølen som eg fekk i gebursdagsgåve tidlegare i vinter og det var ein nytelse.
Igår (mandag) kom vi heimatt og det var godt å sjå at snøen hadde minka frå 77 cm då vi drog til 22 cm idag tidleg på den faste målestaden. Enkelte snøfrie bøter er det og her og der.

Eg syns det var stas at buskbomhekken min hadde dukka fram att frå djupsnøen, det går på fram! I bakrgrunnen skimtar vi eit av dei store morelltrea våre og under der det skal det omarbeidast til blåveisbed er tanken - om det vert til våren er enno uvisst.
Eg måtte bort å sjå om det var liv i blåveisane som alt har fått plassen der og det var det heldigvis i alle saman.

Under steinbenken ved morelltreet hadde eg gøymt tre potter med Hepatica - ein H. japonica frå Japan, ein H. henryii frå Kina og ein H. asiatica frå Korea godt innpakka i tørt lauv og granbar. Dei levde alle saman i beste velgåande. Den eine av dei jamvel nesten i blomst under der.

Påskeliljene er sprutfulle av kraft og er klar til blomstring straks dei er kvitt snødekket, med litt varme i veiret er det ikkje lang tid før den fyrste blomsten openbarar seg.

Snøklokkene blomstrar forskjellige plassar i hagen der det er fritt for snø, her representert ved den fylte utgåva eg har Galantus nivalis 'Flore plena'.

Den eine blåveisen som har lege i dvale, innpakka i tørt lauv og granbar under steinbenken har alt klar knoppar som snart vil sprette ut. Dette er ein japansk blåveis (H. nobilis var. japonica)

Julerosene med store knoppar. Her er det den gulkvite Helleborus orientalis 'Yellow Lady......og nedanfor er det H. atropurpurea som snart er i blomst.

Her er ein krokus som eg ikkje kjem ihug namnet på (namnelappen ligg under snødekke) som pressar seg gjennom bladverket til Tiarella grandiflora.

Den fyrste Primulaen i blomst etter denne merkverdige vinteren er P. pruhonichiana som hadde ein open blomst bare eit par dagar etter at snøen gjekk på den plassen den står.
Ellers er det mange Primula i knopp, men ingen andre som blømer akkurat no.
Tidlegare år har eg hatt Primula i blomst heile vinteren unntatt dei få dagne det har vore snødekke.
No har vi hatt konstant snødekke sidan 19. desember så det er temmelig uvanleg for oss dette.
Håpar bare at ikkje det kjem meir snø heretter, no vil vi ha VÅR!

Meir snø og nye showauriklar i blomst

2010-03-14T08:03:00.006+01:00

Dette bildet er ikkje frå idag, men det siste døgnet har vi fått nye 25 cm snø og har no 67 cm. Det fortsette å snø så vinteren er absolutt ikkje over enno sjølv om meisene prøvar å innbille seg og oss at det er nært foreståande med vårstrofene sine og fakter som ikkje er å misstyde.
Det går på solsikkefrøa og småfuglane er flittige gjestar på matstasjonen på varandaen. Kjøttmeisene er i fleirtal, men vi har også mange blåmeiser, granmeiser, 3-4 spettmeiser og svarttraster av og til er raudstrupen og eit dompappar innom og i går var ein grønnsisikhoe på besøk.

Eg hadde håpt på at regnet vi fekk denne veka skulle ta med seg det meste av snøen og renne til havs, men den gang ei!!! :(

Då lyt vi trøyste oss med andre gleder og i kjellaren under plantelyset har eg fått dei tre siste showauriklane mine i blomst og etterkvart som knoppane utvikla seg vart eg meir og meir spent på fargen - eg vart fort klar over at dei var av den attraktive "grønblomstra" sorten og heldigvis tre forskjellige!
Alle desse tre pluss dei tre eg viste i eit tidlegare innlegg er alle sjølvsådde av frå frå det franske frøfirmaet Barnhaven- eit frøfirma eg varmt kan anbefale til alle som likar Primula av alle slag.
Dei har godt utvalg både i Auriklar og andre Primula så det er vel verdt å ta turen innom deira sider på nettet.

Den raude kransen syns eg er lekker mot det grøne, kvite og gule. (klikkbare bilder)

Denne går meir over i raudfiolett, noko som viser betre på bildet under (same planten)

Den siste er mykje mørkare på farge, nesten over i det svarte og med god melering på blomst og stilk - utruleg lekker må eg seie!

Eg gled meg veldig til Hageauriklane ute i beda startar blostringa si, håpar det vert rikeleg blomstring denne våren, både på auriklar og dei andre Primulane når dei fyrst kjem igang.
Dei siste vintrane har eg hatt Primula i blomst stort sett heile vinteren, no er vi komne til midten av mars og snøen ligg djup over alt og gøymer alt det vakre som berre ligg å ventar på få utfolde seg. Tippar det vert litt av ein"eksplosjon" i fargar når fyrst snøen smeltar dei slepper til .

God helg til dåkke alle!